- Сагъыш – къартлыкъгъа сюйюмчю.
- Къыз чыгъаргъан – къызыл къымжа.
- «Ёгюз, джаргъа джууукъ барма, меннге джюк боллукъса», - дегенди эшек.
- Ата Джуртча джер болмаз, туугъан элча эл болмаз.
- Айран ичген – къутулду, джугъусун джалагъан – тутулду.
- Бир онгсуз адам адет чыгъарды, деб эштирик тюлсе.
- Чомартха хар кюн да байрамды.
- Оюмсуз атлагъан, аджалсыз ёлюр.
- Адам сёзюнден белгили.
- Билмейме деген – бир сёз
- Ауузу аманнга «иги», деме.
- Къалгъан ишге къар джауар.
- Ачылгъан эт джабылыр, кёрген кёз унутмаз.
- Тюз сёз баргъан сууну тыяр.
- Чакъырылмагъан джерге барма, чакъырылгъан джерден къалма.
- Кёкдеги болмаса, джердегин кёрмейди.
- Кёбге таш атма.
- Къыз тиширыу кеси юйюнде да къонакъды.
- Къанны къан бла джуума, аманны аман бла къуума.
- Бермеген къол, алмайды.
- Кёрмегеннге кебек – танг, битмегеннге сакъал – танг.
- Биреу къой излей, биреу той излей.
- Кийим тукъум сордурур.
- Кирсизни – саны таза, халалны – къаны таза.
- Бет бетге къараса, бет да джерге къарар.
- Малны кют, джерни тюрт.
- Аман адам этегингден тутса, кес да къач.
- Ариу сёз – джаннга азыкъ, аман сёз – башха къазыкъ.
- Мухардан ач ычхынмаз.
- Чоюнну башы ачыкъ болса, итге уят керекди.
- Ишни аллы бла къууанма да, арты бла къууан.
- Айныгъанлы алты кюн, тогъайгъанлы тогъуз кюн.
- Окъумагъан сокъурду, сокъур ташха абыныр!
- Джукъу тёшек сайламайды.
- Узун джолну барсанг, бюгюн келирсе, къысха джолну барсанг, тамбла келирсе.
- Къонакъ хазыр болгъанлыкъгъа, къонакъбай хазыр тюлдю.
- Джети тилни билген джети кишиди.
- Джумушакъ сёз къаты таякъны сындырыр.
- «Ма», - дегенни билмесенг, «бер», - дегенни билмезсе.
- Джюрекден джюрекге джол барды.
- Уясында не кёрсе, учханында аны этер.
- Чабакъгъа акъыл, табагъа тюшсе келеди.
- Аурууну келиую тынч, кетиую – къыйын.
- Ашлыкъ – бюртюкден, джюн – тюкден.
- Джолунга кёре – джюрюшюнг, джагъанга кёре – юлюшюнг.
- Адам къыйынлыгъын кёлтюрюр, зауукълугъун кёлтюрмез.
- Адамны адамлыгъы къыйынлыкъда айгъакъланады.
- Акъыл аздырмаз, билим тоздурмаз.
- Ханы къызы буюгъа-буюгъа киштик болду.
- Ата Джуртуму башы болмасам да, босагъасында ташы болайым.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72