Эльбрусоид :: Форум :: Архив форумов

Къыз тиширыу кеси юйюнде да къонакъды.
Ётюрюкден тюбю джокъ, кёлтюрюрге джиби джокъ.
Къар – келтирди, суу – элтди.
Нарт сёз – тилни бети.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Къонакъ хазыр болгъанлыкъгъа, къонакъбай хазыр тюлдю.
Итли къонакъ джарашмаз.
Ишлерге уял да, ашаргъа табма.
Сормай – алма, чакъырылмай – барма.
Ёзденликни джайгъан – джокълукъ.
Таш ата билмеген, башына урур.
Ётюрюкню къуйругъу – бир тутум.
Элде адам къалмаса, ит тахтагъа минер.
Кёз – сюйген джерде, къол – ауругъан джерде.
Ариу джол аджал келтирмез.
Бети бедерден, намыс сакълама.
Кёл ашады да, кеси ашады.
Келгинчи, къонакъ уялыр, келгенден сора, къонакъбай уялыр.
Билгенни къолу къарны джандырыр.
Асхат ашлыкъ сата, юйдегиси ачдан къата.
Джангызны оту джарыкъ джанмаз!
Сакъалы текени да бар, мыйыгъы киштикни да бар.
Тилсиз миллет джокъ болур.
Уллу къазанда бишген эт, чий къалмаз.
Чомарт къолда мал къалмаз.
Тойгъа алгъа да барма, тойда артха да къалма.
Уллу суу бла уллу ауруудан башынгы сакъла.
Ач къалгъандан, кеч къалгъан къолай.
Юре билмеген ит, къонакъ келтирир.
Адебсиз адам – джюгенсиз ат.
Аджал соруб келмез, келсе, къайтыб кетмез.
Тойгъа барсанг, тоюб бар, эски тонунгу къоюб бар.
Келинин тута билмеген, къул этер, къызын тута билмеген, тул этер.
Адеб джокъда, намыс джокъ.
Керти сёзге тёре джокъ.
Дженгил джетерикме деб, узун джолну къоюб, къысхасын барма.
Кюл тюбюндеги от кёрюнмейди.
Окъуу – билимни ачхычы, окъуу – дунияны бачхычы.
Тёгюлген тюгел джыйылмайды.
Эркишиге тары кебек танг кёрюнюр.
Джетген къыз джерли эшекни танымаз.
Къуру гыбыт бек дыгъырдар.
Ишленмеклик адамлыкъды.
Мухар, кеси тойса да, кёзю тоймаз.
Билмейме деген – бир сёз
Къошда джокъгъа – юлюш джокъ.
Адеб этмеген, адеб кёрмез.
Ачылгъан эт джабылыр, кёрген кёз унутмаз.
Болджал ишни бёрю ашар.
Ауузу бла къуш тута айланады.

Логин:
Пароль:
	Запомнить меня на этом компьютере

Забыли свой пароль?
Регистрация