- Алим болгъандан эсе, адам болгъан къыйынды.
- Аджалсыз ёлюм болмаз.
- Къазанда болса, чолпугъа чыгъар.
- Арба аугъандан сора, джол кёргюзтюучю кёб болур.
- Кийимни бичсенг, кенг бич, тар этген къыйын тюлдю.
- Кийимни бир кюнню аясанг, минг кюннге джарар.
- Ким бла джюрюсенг, аны кёзю бла кёрюнюрсе.
- Бичгенде ашыкъма, тикгенде ашыкъ.
- Аякъларынгы джууургъанынга кёре узат.
- Кийиминг бла танылма, адамлыкъ бла таныл.
- Къарнынг ауруса, ауузунгу тый
- Ашхы болсанг, атынг чыгъар, аман болсанг, джанынг чыгъар.
- Тиширыусуз юй – отсуз от джагъа.
- Кийим тукъум сордурур.
- Эки къатын алгъан – эки ташны ортасына башын салгъан.
- Къралынгы – душмандан, башынгы от бла суудан сакъла.
- Кёкдеги болмаса, джердегин кёрмейди.
- Кимни – тили, тиши онглу, кимни – къолу, иши онглу.
- Ач – эснер, ат – кишнер.
- Ишлегенден, къарагъан уста.
- Мен да «сен», дейме, сен да «кесим», дейсе.
- Аманнга алтын чыдамаз.
- Билмегенинги, билгеннге сор.
- Бетинги сатма, малынгы сат.
- Гугурук къычырмаса да, тангны атары къалмаз.
- Юйлю уругъа ит чабмаз.
- Ачыу алгъа келсе, акъыл артха къалады.
- Адамны аты башхача, акъылы да башхады.
- Сакъ юйюне сау барыр.
- Босагъа таш юйге кирмей эди, тыбыр таш эшикге чыкъмай эди.
- Ёлюр джаннга, ёкюл джокъ.
- Эртде тургъан джылкъычыны эркек аты тай табар.
- Азыкъ аз болса, эртде орун сал.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёлген эшек бёрюден къоркъмайды.
- Билим насыб берир, билим джолну керир.
- Къобан да къуру да къобханлай турмайды, адам да къуру да патчахлай турмайды.
- Джаз бир кюнню джатсанг, къыш талай кюнню абынырса.
- Кёб ант этген, кёб ётюрюк айтыр.
- Айтхан сёзюне табылгъан.
- Акъыл неден да кючлюдю.
- Иги бла джюрюсенг, джетерсе муратынга, аман бла джюрюсенг, къалырса уятха.
- Элге къуллукъ этмеген, элге ие болмаз.
- Ёгюзню мюйюзлери ауурлукъ этмейдиле.
- Сормай – алма, чакъырылмай – барма.
- Ата джурт – алтын бешик.
- Чакъырылмагъан къонакъ – орунсуз.
- Иги сеники эсе да, сюйген кесимикин этеме.
- Зар адам ашынгы ашар, кесинги сатар.
- Кирсизни – саны таза, халалны – къаны таза.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72