Эльбрусоид :: Форум :: Архив форумов

Уллу айтханны этмеген – уллаймаз.
Ач да бол, токъ да бол – намысынга бек бол.
Айраннга суу къош, телиге джол бош.
Къая джолда джортма, ачыкъ сёзден къоркъма.
Аманнга игилик этсенг, юйюнге сау бармазса.
Ишни ахырын ойламай, аллын башлама.
Акъыл бла адеб эгизледиле.
Ишленмеклик адамлыкъды.
Ёгюзню мюйюзлери ауурлукъ этмейдиле.
Рысхы джалгъанды: келген да этер, кетген да этер.
Ойнай билмеген, оюн бузар.
Уллу сёлешме да, уллу къаб.
Байдан умут эте, джарлыдан ёгюз багъасы къорады.
Ойнай-ойнай кёз чыгъар.
Айырылмаз джууугъунга, унутмаз сёзню айтма.
Кесине оноу эте билмеген, халкъына да эте билмез.
Хунаны тюбюн къазсанг, юсюнге ауар.
Игиге айтсанг – билир, аманнга айтсанг – кюлюр.
Киштикге къанат битсе, чыпчыкъ къалмаз эди.
Билими азны – ауузунда кирит.
Ётюрюкню башын керти кесер.
Чыбыкълыкъда бюгюлмеген, къазыкълыкъда бюгюлмей эди.
Баргъанынга кёре болур келгенинг.
Хар адамгъа кеси миннген тау кибик.
Ашхы – джыяр, аман – джояр.
Нёгер болсанг, тенг бол, тенг болмасанг, кенг бол.
Шекер бла туз – бир болмаз, ушамагъан – юй болмаз.
Акъыллы башны – тили къысха.
Ашхы болсанг, атынг чыгъар, аман болсанг, джанынг чыгъар.
Джюз элде джюз ёгюзюм болгъандан эсе, джюз джууугъум болсун.
Хазыр ашха – терен къашыкъ.
Адамны артындан къара сабан сюрме.
Харам къарнашдан, халал тенг ашхы.
Ургъан суудан башынгы сакъла.
Тюз сёз баргъан сууну тыяр.
Бети бедерден, намыс сакълама.
Тюкюрюк баш джармаз, налат кёз чыгъармаз!
Рысхысына кёре, джаш ёсер, къышлыгъына кёре, мал ёсер.
Билим къая тешер.
Дууулдаса – бал чибин, къонса – къара чибин.
Адам бла мюлк юлешмеген эсенг, ол адамны билиб бошагъанма, деб кесинги алдама.
Эр сокъур болсун, къатын тилсиз болсун.
Джырчы джырчыгъа – къарнаш.
Сёз садакъдан кючлюдю.
Олтуруб кёрюнмей эди да, ёрге туруб кёрюне эди.
Къатыны харакетли болса, эри къымсыз болур.
Джарлыны тону джаз битер.
Сескекли кесин билдирир.
Байны оноуу, джарлыгъа джарамаз.
Ёлюк кебинсиз къалмаз.

Логин:
Пароль:
	Запомнить меня на этом компьютере

Забыли свой пароль?
Регистрация