- Артына баргъанны, къатына барма.
- Ариу – кёзге, акъыл – джюрекге.
- Бек ашыкъгъан меннге джетсин, дегенди аракъы.
- Игилик игилик бла сингдирилиучю затды.
- Дуния аламаты сен эсенг да, игиме деб айтма.
- Ойнай-ойнай кёз чыгъар.
- Бойнуму джети джерден кессенг да, мен ол ишни этеллик тюлме.
- Джырчы ёлсе, джыры къалыр.
- Айырылгъанланы айю ашар, бёлюннгенлени бёрю ашар.
- Джаш болсун, къыз болсун, акъылы, саны тюз болсун.
- Ач къарным, тынч къулагъым.
- Насыб бютеу халкъны юлюшюдю.
- Аллахха ийнаннган кишини, Аллах онгдурур ишин.
- Къолунгдан къуймакъ ашатсанг да, атаны борчундан къутулмазса.
- Адеб этмеген, адеб кёрмез.
- Иги сёз – джаннга азыкъ, аман сёз башха – къазыкъ.
- Зарда марда джокъ.
- Бермеген къол, алмайды.
- Кесинг сынамагъан затны, адамгъа буюрма.
- Кёзюнде тереги болгъан, чёбю болгъаннга кюле эди.
- Биреуню къыйынлыгъы бла кесинге джол ишлеме.
- Айныгъанлы алты кюн, тогъайгъанлы тогъуз кюн.
- Чомартны къолу берекет.
- Нафысынгы айтханын этме, намысынгы айтханын эт.
- Илму – джашауну джолу.
- Къыз тиширыу кеси юйюнде да къонакъды.
- Тилчи бир сагъатха айлыкъ хата этер.
- Иги – алгъыш этер, аман – къаргъыш этер.
- Къатын къылыкъсыз, эр тынчлыкъсыз.
- Хар ишни да аллы къыйынды.
- Аманнга да, игиге да оноусуз къатышма.
- Джаз бир кюнню джатсанг, къыш талай кюнню абынырса.
- Кесинге джетмегенни, кёб сёлешме.
- Эки къатын алгъан – эки ташны ортасына башын салгъан.
- Дууулдаса – бал чибин, къонса – къара чибин.
- Тилчи тилден къаныкъмаз.
- Баш – акъыл ючюн, акъылман – халкъ ючюн.
- Атадан ёксюз – бир ёксюз, анадан ёксюз – эки ёксюз.
- Къартны бурнун сюрт да, оноугъа тут.
- Акъыллы айтыр эди, акъылсыз къоймайды.
- Тюкюрюк баш джармаз, налат кёз чыгъармаз!
- Эки къатын алгъанны къулагъы тынгнгаймаз.
- Ёзденликни джайгъан – джокълукъ.
- Ачылгъан эт джабылыр, кёрген кёз унутмаз.
- Башланнган иш битер, къымылдагъан тиш тюшер.
- Тура эдим джата, къайдан чыкъды хата?
- Акъыллы – эл иеси, тели – эл баласы.
- Ашда уялгъан – мухар, ишде уялгъан – хомух.
- Къонакъны къачан кетерин сорма, къачан келлигин сор.
- Атынг аманнга чыкъгъандан эсе, джанынг тамагъынгдан чыкъсын.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72