- Ана къолу ачытмаз.
- Ашын ашагъанынгы, башын да сыйла.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джети тилни билген джети кишиди.
- Айырылгъанланы айю ашар, бёлюннгенлени бёрю ашар.
- Аман эсирсе, юйюн ояр.
- Ойнаб айтсанг да, эслеб айт.
- Эшекни не къадар тюйсенг да, ат болмаз.
- Тёрдеги кюлсе, эшикдеги ышарыр.
- Билимден уллу байлыкъ джокъду.
- Келлик заман – къартлыкъ келтирир, кетген заман – джашлыкъ ёлтюрюр.
- Баш болса, бёрк табылыр.
- Тойгъан джерден туугъан джер игиди.
- Джюз элде джюз ёгюзюм болгъандан эсе, джюз джууугъум болсун.
- Экеулен сёлеше тура эселе, орталарына барыб кирме.
- Онгсузну – джакъла, тенгликни – сакъла.
- Аманнга алтын чыдамаз.
- Байлыкъ келсе, акъыл кетер.
- Таш бла ургъанны, аш бла ур.
- Суу кетер, таш къалыр.
- Орундукъ тюбюнде атылсам да, орта джиликме, де да айлан.
- Ханы къызы буюгъа-буюгъа киштик болду.
- Окъуусуз билим – джокъ, билимсиз кюнюнг – джокъ.
- Ишленмеклик адамлыкъды.
- Мухар, кеси тойса да, кёзю тоймаз.
- Болджал ишни бёрю ашар.
- Ариу сёз – джаннга азыкъ, аман сёз – башха къазыкъ.
- Дууулдаса – бал чибин, къонса – къара чибин.
- Берекет берсин деген джерде, берекет болур.
- Зар адамны насыбы болмаз.
- Башынга джетмегенни сорма.
- Бюгюн дуния кибик, тамбла ахыратды.
- Ойнай-ойнай кёз чыгъар.
- Накъырда – кертини келечиси.
- Къонакъ аз олтурур, кёб сынар.
- Ат да турмайды бир териде.
- Сагъыш – къартлыкъгъа сюйюмчю.
- Тели турса – той бузар.
- Таукелге нюр джауар.
- Арпа, будай – ащды, алтын, кюмюш а – ташды.
- Ишге юренсин къоллары, халкъ бла болсун джоллары.
- Хаухну атма, ёнгкючню сатма.
- Чомарт бергенин айтмаз.
- Телиге от эт десенг, юйюнге от салыр.
- Кёзден кетген, кёлден да кетеди.
- Кёлю джокъну – джолу джокъ.
- Айран тёгюлсе, джугъусу къалыр.
- Этек чакъмакълары баш джаргъан, сёлешген сёзлери таш джаргъан.
- Ханнга да келеди хариблик.
- Атынг аманнга чыкъгъандан эсе, джанынг тамагъынгдан чыкъсын.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72