- Накъырданы арты керти болур.
- Шайтан алдады, тюзлюк къаргъады.
- Агъач халкъгъа алтынды, иссиликге салкъынды.
- Ачылгъан эт джабылыр, кёрген кёз унутмаз.
- Келинин тута билмеген, къул этер, къызын тута билмеген, тул этер.
- Гугурук къычырмаса да, тангны атары къалмаз.
- Джиби бир къат джетмей эди да, эки къат тарта эди.
- Ашхы сёз таш тешер.
- Адамны сабийин сюйген джюреги, бычакъча, джитиди.
- Биреу къой излей, биреу той излей.
- Биреуню къыйынлыгъы бла кесинге джол ишлеме.
- Келлик заман – къартлыкъ келтирир, кетген заман – джашлыкъ ёлтюрюр.
- Тил бла келеди джыр да.
- Баланы адам этген анады.
- Этек чакъмакълары баш джаргъан, сёлешген сёзлери таш джаргъан.
- Айтхан сёзюне табылгъан.
- Джюрекге ариу – кёзге да ариу.
- Мал кёб болса, джууукъ кёб болур.
- Акъылсызны джууукъгъа алма, акъыллыны кенгнге салма.
- Эм уллу байлыкъ – джан саулукъ.
- Кийим тукъум сордурур.
- Ашхылыкъ джерде джатмайды, аманлыкъ суугъа батмайды.
- Этни бети бла шорпасы.
- Айранны сюйген, ийнек тутар.
- Тёзгеннге, джабылгъан эшик ачылыр.
- Аллахдан тилесенг, кёб тиле.
- Керти сёзге тёре джокъ.
- Чоюнну башы ачыкъ болса, итге уят керекди.
- Суу да къайтады чыкъгъан джерине.
- Эки элинги тыйсанг, джети элде махталырса.
- Байлыкъ адамны сокъур этер.
- Аджаллыгъа окъсуз шкок атылыр.
- Кёб къычыргъандан – къоркъма, тынч олтургъандан – къоркъ.
- Элиб деген, элге болушур.
- Тёгюлген тюгел джыйылмайды.
- Орну джокъну – сыйы джокъ.
- Бети къызарыучу адамны, джюреги харам болмаз.
- Рысхысына кёре, джаш ёсер, къышлыгъына кёре, мал ёсер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тилчи бир сагъатха айлыкъ хата этер.
- Аманнга игилик этсенг, юйюнге сау бармазса.
- Акъыл къартда, джашда тюйюлдю – башдады.
- Акъдан къара болмаз.
- Ауурну тюбю бла, дженгилни башы бла джюрюген.
- Халкъны юйю – туугъан джери.
- Эл тойса, тоймагъан, эл къойса, къоймагъан.
- Къонакъны къачан кетерин сорма, къачан келлигин сор.
- Ач уят къоймаз.
- Окъ къызбайны джокълайды.
- Таукел тауну аудурур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72