- Тюзлюк шохлукъну бегитир.
- Къарны аманнга къазан такъдырма, къолу аманнга от джакъдырма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Нафысынгы айтханын этме, намысынгы айтханын эт.
- Бозанг болмагъан джерге, къалагъынгы сукъма.
- Ойнай билмеген, оюн бузар.
- Зарда марда джокъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аманны эки битли тону болур, бирин сеннге кийдирир, бирин кеси киер.
- Сютден ауузу кюйген, суугъа юфгюре эди.
- Намыс болмагъан джерде, насыб болмаз.
- Адам сёзге тынгыла, акъыл сёзню ангыла.
- Итли къонакъ джарашмаз.
- Ётюрюкню башын керти кесер.
- Аман эсирсе, юйюн ояр.
- Ишлерге уял да, ашаргъа табма.
- Керти сёзге тёре джокъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кюн кёрмеген, кюн кёрсе, кюндюз чыракъ джандырыр.
- Тил – кесген бычакъ, сёз – атылгъан окъ.
- Аш иеси бла татлыды.
- Ёгюзню мюйюзлери ауурлукъ этмейдиле.
- Джырына кёре эжиую.
- Душманны тышы – акъ, ичи – къара.
- Эм уллу байлыкъ – джан саулукъ.
- Къыз келсе, джумуш эте келеди, къатын келсе, ушакъ эте келеди.
- Чабакъгъа акъыл, табагъа тюшсе келеди.
- Джюрек кёзден алгъа кёрюр.
- Къайгъыны сюйген, къайгъы табар.
- Сабыр джетер муратха, сабырсыз къалыр уятха.
- Танг атмайма десе да, кюн къоярыкъ тюйюлдю.
- Аякъларынгы джууургъанынга кёре узат.
- Къарыусузгъа кюлме, онгсузгъа тийме.
- Берекет берсин деген джерде, берекет болур.
- Бек ашыкъгъан меннге джетсин, дегенди аракъы.
- Хар ишни да аллы къыйынды.
- Эр абынмай, эл танымаз.
- Тойгъанлыкъ къойгъа джарашады.
- Эринчекге кюн узун.
- Сакъ юйюне сау барыр.
- Аууз сакълагъан – джан сакълар.
- От кюйдюрген, сау болса да, тот кюйдюрген, сау болмаз.
- Ана кёлю – балада, бала кёлю – талада.
- Билмезни кёзю кёрмез, этмезни къулагъы эшитмез.
- Эл ауузу – элек, анга ийнаннган – халек.
- Ат да турмайды бир териде.
- Биреуге кёлтюрген таягъынг, кесинги башынга урур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Таш бла ургъанны, аш бла ур.
- Бермеген къол, алмайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72