- Билген билмегенни юретген адетди.
- Магъанасыз сёз – тауушсуз сыбызгъы.
- Гугук кесини атын айтыб къычыргъанча, мен, мен деб нек тураса?
- Кёрмегеннге кебек – танг, битмегеннге сакъал – танг.
- Ачлыкъ отха секиртир.
- Киштикге къанат битсе, чыпчыкъ къалмаз эди.
- Джолунга кёре – джюрюшюнг, джагъанга кёре – юлюшюнг.
- Тёзген – тёш ашар!
- Ёлмесенг да, къарт дамы болмазса?
- Ач да бол, токъ да бол – намысынга бек бол.
- Къарыусузгъа кюлме, онгсузгъа тийме.
- Бал ашаргъа сюе эсенг, чибин ургъаннга тёз.
- Джерни букъусу кёкге къонмаз.
- Тойгъа барсанг, тоюб бар, эски тонунгу къоюб бар.
- Аш берме да, къаш бер.
- Къошда джокъгъа – юлюш джокъ.
- Къанны къан бла джуума, аманны аман бла къуума.
- Къарт айтханны этмеген, къартаймаз.
- Эл ауузу – элек, анга ийнаннган – халек.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тин – байлыгъынг, терен саулугъунг.
- Тели турса – той бузар.
- Тёрени джагъы джокъ.
- Эте билген, этген этеди, эте билмеген, юретген этеди!
- Сууда джау джокъ, кёб сёзде магъана джокъ.
- Танг атмайма десе да, кюн къоярыкъ тюйюлдю.
- Ашхы тенг джолгъа салыр, аман тенг джолдан тайдырыр.
- Эринчекге кюн узун.
- От этилмеген джерден тютюн чыкъмайды.
- Юре билмеген ит, къонакъ келтирир.
- Уруну арты – къуру.
- Огъурлуну сёзю – суу, огъурсузну сёзю – уу.
- Джумушакъ терекни къурт ашар.
- Тойгъандан сора, ашны сёкме.
- Иги сёз – джаннга азыкъ, аман сёз башха – къазыкъ.
- Ач къарным, тынч къулагъым.
- Джогъун бар этген, барын бал этген.
- Тойгъанлыкъ къойгъа джарашады.
- Адамны сабийин сюйген джюреги, бычакъча, джитиди.
- Нафысынгы айтханын этме, намысынгы айтханын эт.
- Эки къатын алгъанны къулагъы тынгнгаймаз.
- Тас болгъан бычакъны сабы – алтын.
- Ана – юйню кюн джарыгъы.
- Ата Джуртча джер болмаз, туугъан элча эл болмаз.
- Тойгъа алгъа да барма, тойда артха да къалма.
- Аз сёлеш, кёб ишле.
- Джангыз торгъай джырламаз.
- Ётюрюкден тюбю джокъ, кёлтюрюрге джиби джокъ.
- Ач – эснер, ат – кишнер.
- Ауузу бла къуш тута айланады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72