- Къыйынлы джети элни къайгъысын этер.
- Сабийни джумушха джибер да, ызындан бар.
- Тилсиз миллет джокъ болур.
- Игиге айтсанг – билир, аманнга айтсанг – кюлюр.
- Джумушакъ терекни къурт ашар.
- Ашатыргъа иш – ашхы, ишлетирге аш – ашхы.
- Уллу къашыкъ эрин джыртар.
- Къарт болгъан джерде, берекет болур, сабий болгъан джерде, оюн болур.
- Телини эшигин, махтау джабар.
- Аджалсыз ёлюм болмаз.
- Башда акъыл болмаса, эки аякъгъа кюч джетер.
- Этим кетсе да, сюегим къалыр.
- Чомарт джарлы болмаз.
- Дууулдаса – бал чибин, къонса – къара чибин.
- Тойгъан джерге джети къайт.
- Алтыннга тот къонмаз.
- Илму – джашауну джолу.
- Бюгюн дуния кибик, тамбла ахыратды.
- Айтхан – тынч, этген – къыйын.
- Къонакъ аман болса, къонакъбай джунчур
- Тиширыусуз юй – отсуз от джагъа.
- Эр абынмай, эл танымаз.
- Джюз элде джюз ёгюзюм болгъандан эсе, джюз джууугъум болсун.
- Ёзденликни джайгъан – джокълукъ.
- Ашха уста, юйюнде болсун
- Ана кёлю – балада, бала кёлю – талада.
- Адамны бетине къарама, адетине къара.
- Джылыгъа джылан илешир.
- Алгъанда – джууукъ, бергенде – джау.
- Хазыр ашха – терен къашыкъ.
- Джан саулукъ бермей, сан саулукъ бермезсе.
- Бал чибинни ургъаны – ачы, балы – татлы.
- Тойну къарнашы – харс, джырны къарнашы – эжиу.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тёзген – тёш ашар!
- Эркишиге тары кебек танг кёрюнюр.
- Джахил болса анасы, не билликди баласы?
- Кёпюр салгъан кеси ётер, уру къазгъан кеси кетер.
- Башсыз урчукъ тюзюне айланмаз.
- Ариу сёз – джаннга азыкъ, аман сёз – башха къазыкъ.
- Айтылгъан сёз ызына къайтмаз.
- Ётюрюкчюню шагъаты – къатында.
- Аш берме да, къаш бер.
- Тил – миллетни джаны.
- Джаш болсун, къыз болсун, акъылы, саны тюз болсун.
- Джылкъыдан – ат чыгъар, тукъумдан – джаш чыгъар.
- Ата Джуртун танымагъан, атасын да танымаз.
- Тыш элде солтан болгъандан эсе, кесинги элде олтан болгъан игиди!
- Айраннга суу къош, телиге джол бош.
- Джаным-тиним – окъуу, билим.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72