- Кюлме джашха – келир башха.
- Ойнаб айтсанг да, эслеб айт.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тау башында, тау болмаз, джангыз терек, бау болмаз.
- Акъылсызны джууукъгъа алма, акъыллыны кенгнге салма.
- Джырчы ёлсе, джыры къалыр.
- Айранны сюйген, ийнек тутар.
- Хансыз джомакъ болмаз.
- Къанны къан бла джуума, аманны аман бла къуума.
- Аз сёлеш, кёб ишле.
- Татлы сёз – балдан татлы.
- Гугук кесини атын айтыб къычыргъанча, мен, мен деб нек тураса?
- Аман хансны – урлугъу кёб.
- Адам сёзге тынгыла, акъыл сёзню ангыла.
- Ашлыкъны арба юйге келтирир, чана базаргъа элтир.
- Айтхан – тынч, этген – къыйын.
- Къарнынг къанлынга кийирир.
- Азыкъ аз болса, эртде орун сал.
- Къарнынг бла ёч алма.
- Къазанны башы ачыкъ болса, итге уят керекди.
- Ашаса, ашамаса да, бёрюню ауузу – къан.
- Кютгени беш эчки, сызгъыргъаны уа, джерни джарады.
- Сабыр джетер муратха, сабырсыз къалыр уятха.
- Къарнынг ауруса, ауузунгу тый
- Джетген къыз джерли эшекни танымаз.
- Байлыкъ адамны сокъур этер.
- Чомарт бергенин айтмаз.
- Къарнынг тойгъунчу аша да, белинг талгъынчы ишле.
- Аман эсирсе, юйюн ояр.
- Ашхы адам – халкъ байлыгъы, ашхы джер – джашау байлыгъы.
- Ёлмесенг да, къарт дамы болмазса?
- Юйлю уругъа ит чабмаз.
- Эринчекни аурууу – кёб.
- Кюн – узун, ёмюр – къысха.
- Атлыны кёрсе, джаяуну буту талыр.
- Хар зат кесини орнуна иги.
- Хоншуну тауугъу къаз кёрюнюр, келини къыз кёрюнюр.
- Насыб бютеу халкъны юлюшюдю.
- Окъуу – билимни ачхычы, окъуу – дунияны бачхычы.
- Ханнга да келеди хариблик.
- Олтуруб кёрюнмей эди да, ёрге туруб кёрюне эди.
- Уясында не кёрсе, учханында аны этер.
- Бети къызарыучу адамны, джюреги харам болмаз.
- Тюзлюк шохлукъну бегитир.
- Миллетни бойну – базыкъ, аны бла кюрешген – джазыкъ.
- Ана кёлю – балада, бала кёлю – талада.
- Джашны джигитлиги сорулур, къызны джигерлиги сорулур.
- Аман киши кеси юйюнде – къонакъ.
- Къолу уллу – асыу, аягъы уллу – джарсыу.
- Джырчы джырчыгъа – къарнаш.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72