- Къыз тиширыу кеси юйюнде да къонакъды.
- Аш кетер да бет къалыр.
- Эринчекни аурууу – кёб.
- Тил джюрекге джол ишлейди.
- Суу да къайтады чыкъгъан джерине.
- Ашатыргъа иш – ашхы, ишлетирге аш – ашхы.
- Шапа кёб болса, аш татымсыз болур.
- Сёлеш деб шай берген, тохта деб, сом берген.
- Кеси юйюмде мен да ханма.
- Кюлме джашха – келир башха.
- Айтылгъан сёз ызына къайтмаз.
- Дженгил джетерикме деб, узун джолну къоюб, къысхасын барма.
- Ат да турмайды бир териде.
- Къоркъакъны кёзю экили кёрюр.
- Арыгъан къош чамчы болур.
- Мухарны эси – ашарыкъда.
- Кёлю джокъну – джолу джокъ.
- Чакъырылгъанны аты, чакъырылмагъанны багъасы болур.
- Сабийликде юретмесенг, уллу болса – тюзелмез.
- Джан саулукъ бермей, сан саулукъ бермезсе.
- Окъуусуз билим – джокъ, билимсиз кюнюнг – джокъ.
- Къазанчы аман болса, къазаны къайнамаз.
- Джарлы тюеге минсе да, ит къабар.
- Ачлыкъ отха секиртир.
- Кёкдеги болмаса, джердегин кёрмейди.
- Гугук кесини атын айтыб къычыргъанча, мен, мен деб нек тураса?
- Сёз – кюмюш, джыр – алтын.
- Ургъан суудан башынгы сакъла.
- Махтаннган къыз, тойда джукълар.
- Къарнынг къанлынга кийирир.
- Джыйырма къойну юч джыйырма эбзе кюте эди.
- Ёлюк кебинсиз къалмаз.
- Сабийни джумушха джибер да, ызындан бар.
- Ауузу бла къуш тута айланады.
- Къартны сыйын кёрмеген, къартлыгъында сыйлы болмаз.
- Байлыкъ болгъан джерде, тынчлыкъ джокъду.
- Агъач – джерни чырайы, кийим – эрни чырайы.
- Телиге акъыл салгъандан эсе, ёлгеннге джан салырса.
- Ач да бол, токъ да бол – намысынга бек бол.
- Джарлыны эшигин махтагъан джабар.
- Айырылмаз джууугъунга, унутмаз сёзню айтма.
- Адебсиз адам – джюгенсиз ат.
- Ётген ёмюр – акъгъан суу.
- Элде адам къалмаса, ит тахтагъа минер.
- Къобан да къуру да къобханлай турмайды, адам да къуру да патчахлай турмайды.
- Уллу атлама – абынырса, уллу къабма – къарылырса.
- Бети бедерден, намыс сакълама.
- Ётюрюкню башын керти кесер.
- Къатын къылыкъсыз, эр тынчлыкъсыз.
- Тёгюлген тюгел джыйылмайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72