- Башы джабылгъан челекге, кир тюшмез.
- Эски джаугъа ышанма.
- Билими азны – ауузунда кирит.
- Къонакъ хазыр болгъанлыкъгъа, къонакъбай хазыр тюлдю.
- Джигер – джаннга къыйынлыкъ.
- Аман адам элни бир-бирине джау этер.
- Алгъанда – джууукъ, бергенде – джау.
- Сёз садакъдан кючлюдю.
- Мал тутхан – май джалар.
- Гыдай эчки суугъа къараб, мюйюзле кёрмесе, джашма алкъын, дегенди.
- Халкъны джырын джырласанг, халкъ санга эжиу этер.
- Къатын байлыкъны сюер, эр саулукъну сюер.
- Урунуу – насыбны анасы.
- Адамны аты башхача, акъылы да башхады.
- Ашхы сёз таш тешер.
- Эрни эр этерик да, къара джер этерик да, тиширыуду.
- Эм уллу байлыкъ – джан саулукъ.
- Ёзденликни кёбю ётюрюк.
- Хаухну атма, ёнгкючню сатма.
- Уллу айтханны этмеген – уллаймаз.
- Иесиз малны бёрю ашар.
- Окъугъанны бети джарыкъ.
- Эки итни арасына сюек атма, эки адамны арасында сёз чыгъарма.
- Этим кетсе да, сюегим къалыр.
- Сютню башын джалагъан къутулур, тюбюн ичген тутулур.
- Ичимден чыкъды хата, къайры барайым сата?
- Эркишиге тары кебек танг кёрюнюр.
- Тойчу джашха къарама, къойчу джашха къара.
- Айранны сюйген, ийнек тутар.
- Джыйырма къойну юч джыйырма эбзе кюте эди.
- Келинни – келгинчи, бёркню кийгинчи кёр.
- Адамны джюреги нени кёрюрге сюйсе, кёзю да аны кёрюрге ёч болады.
- Джаз бир кюнню джатсанг, къыш талай кюнню абынырса.
- Ётюрюкден тюбю джокъ, кёлтюрюрге джиби джокъ.
- Суугъа – чабакъ, къаягъа – ыргъакъ.
- Ашхы болсанг, атынг чыгъар, аман болсанг, джанынг чыгъар.
- Эки ойлашыб, бир сёлешген.
- Эртде тургъан джылкъычыны эркек аты тай табар.
- Татлы тилде – сёз ариу, чемер къолда – иш ариу.
- Ауругъаннга – кийик саулукъ, джетген къызгъа – чилле джаулукъ.
- Къартны сыйын кёрмеген, къартлыгъында сыйлы болмаз.
- Биреу ашаб къутулур, биреу джалаб тутулур.
- Ёксюзню къалачы уллу кёрюнюр.
- Окъуу – билимни ачхычы, окъуу – дунияны бачхычы.
- Сакъалы текени да бар, мыйыгъы киштикни да бар.
- Аманнга игилик этсенг, юйюнге сау бармазса.
- Аджалсыз ёлюм болмаз.
- Эрине къаргъыш этген къатын, эрнин къабар.
- Ачылгъан эт джабылыр, кёрген кёз унутмаз.
- Ашхы атаны – джашы ашхы, ашхы ананы – къызы ашхы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72