- Адамны артындан къара сабан сюрме.
- Къонакъ аз олтурур, кёб сынар.
- Айтхан – тынч, этген – къыйын.
- Къонакъны къачан кетерин сорма, къачан келлигин сор.
- Тулпарлыкъ, билекден тюл – джюрекден.
- Тойгъа барсанг, тоюб бар, эски тонунгу къоюб бар.
- Аманнга да, игиге да оноусуз къатышма.
- Ёзденликни кёбю ётюрюк.
- Гырджын – тепсини тамадасы.
- Къолунгдан къуймакъ ашатсанг да, атаны борчундан къутулмазса.
- Джумушакъ сёз къаты таякъны сындырыр.
- Урунуу – насыбны анасы.
- Ач къарынны, токъ билмез
- Рысхысына кёре, джаш ёсер, къышлыгъына кёре, мал ёсер.
- Тойчу джашха къарама, къойчу джашха къара.
- Аман адам этегингден тутса, кес да къач.
- Къыз тиширыу кеси юйюнде да къонакъды.
- Ариу сёз – джаннга азыкъ, аман сёз – башха къазыкъ.
- Эртде тургъан джылкъычыны эркек аты тай табар.
- Чомарт бергенин айтмаз.
- Сагъышы джокъ – джукъучу, акъылы джокъ – къаугъачы.
- Айырылгъанланы айю ашар, бёлюннгенлени бёрю ашар.
- Къызбайны юйюне дери сюрсенг, батыр болур.
- Ариу сёз джыланны орнундан чыгъарыр.
- Окъ къызбайны джокълайды.
- Телини эшигин, махтау джабар.
- Джашны джигитлиги сорулур, къызны джигерлиги сорулур.
- Ётюрюкчюню шагъаты – къатында.
- Иги сёз – джаннга азыкъ, аман сёз башха – къазыкъ.
- Мадар болса, къадар болур.
- Биреуге аманлыкъ этиб, кесинге игилик табмазса.
- Садакъачыны джаны – къапчыгъында.
- Эл элде бирер малынг болгъандан эсе, бирер тенгинг болсун.
- Ёпкелегенни ашы татлы болады.
- Мен да «сен», дейме, сен да «кесим», дейсе.
- Узун джолну барсанг, бюгюн келирсе, къысха джолну барсанг, тамбла келирсе.
- Абынмазлыкъ аякъ джокъ, джангылмазлыкъ джаякъ джокъ.
- Аманнга игилик этсенг, юйюнге сау бармазса.
- Эли джокъну – кёлю джокъ.
- Айранны сюйген, ийнек тутар.
- Адеб джокъда, намыс джокъ.
- Кёл – къызбай, къол – батыр.
- Бир абыннган – минг сюрюнюр.
- Сютден ауузу кюйген, суугъа юфгюре эди.
- Адебни адебсизден юрен.
- Къарт бла баш аша, джаш бла аякъ аша.
- Къонакъ болсанг, ийнакъ бол.
- Келинин тута билмеген, къул этер, къызын тута билмеген, тул этер.
- Иши джокъну, сыйы джокъ.
- Тилсиз миллет джокъ болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72