- Итли къонакъ джарашмаз.
- Аманнга игилик этсенг, юйюнге сау бармазса.
- Джети тилни билген джети кишиди.
- Ач, тоймам, дейди, тойгъан, ач болмам, дейди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джарлы эскисин джамаса, къууаныр.
- Кюлме джашха – келир башха.
- Ишни аллы бла къууанма да, арты бла къууан.
- Билген билмегенни юретген адетди.
- Абынмазлыкъ аякъ джокъ, джангылмазлыкъ джаякъ джокъ.
- Ашарыкъда сайлагъаннга – чий гырджын.
- Юйюнгден чыкъдынг – кюнюнгден чыкъдынг.
- Билим къая тешер.
- Берекет берсин деген джерде, берекет болур.
- Тамчы таш тешер.
- Нафысынгы айтханын этме, намысынгы айтханын эт.
- Байлыкъ келсе, акъыл кетер.
- Суугъа – таянма, джаугъа – ийнанма.
- Аманнга алтын чыдамаз.
- Мени джылытмагъан кюн, меннге тиймесин!
- Ёлген аслан – сау чычхан.
- Тил – кесген бычакъ, сёз – атылгъан окъ.
- Ёгюзню мюйюзлери ауурлукъ этмейдиле.
- Баланы адам этген анады.
- Иги адамны бир сёзю эки болмаз.
- Биреу ашаб къутулур, биреу джалаб тутулур.
- Аууздан келген, къолдан келсе, ким да патчах болур эди.
- Олтуруб кёрюнмей эди да, ёрге туруб кёрюне эди.
- Термилгенинги табмазса, кюлгенинге тюберсе.
- Къулакъдан эсе, кёзге ышан.
- Къыйынлы джети элге оноу этер.
- Къазанчы аман болса, къазаны къайнамаз.
- Чомарт джарлы болмаз.
- Тешик этген тынчды, аны джамагъан къыйынды.
- Ач отунчуну ачыуу – бурнунда.
- Суу кетер, таш къалыр.
- Ач келгенни – тойдур, кеч келгенни – къондур.
- Джолда аягъынга сакъ бол, ушакъда тилинге сакъ бол.
- Ауругъаннга – кийик саулукъ, джетген къызгъа – чилле джаулукъ.
- Уясында не кёрсе, учханында аны этер.
- Къонакъ аман болса, къонакъбай джунчур
- Тойгъа алгъа да барма, тойда артха да къалма.
- Тилсиз миллет джокъ болур.
- Соргъан айыб тюлдю, билмеген айыбды.
- Къонакъны къачан кетерин сорма, къачан келлигин сор.
- Эки ойлашыб, бир сёлешген.
- Адамны сыфатына къарама, сёзюне къара.
- Байлыкъ адамны сокъур этер.
- Адеби болмагъан къыз – тузсуз хант.
- Джаханимни кёрмей, джандетге кёл салмазса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72