- Байны оноуу, джарлыгъа джарамаз.
- Билеги кючлю, бирни джыгъар, билими кючлю, мингни джыгъар.
- Ёлген ийнек сютлю болур.
- Тойгъа барсанг, тоюб бар, эски тонунгу къоюб бар.
- Джашда акъыл джокъ, къартда къарыу джокъ.
- Билмезни кёзю кёрмез, этмезни къулагъы эшитмез.
- Бермеген къол, алмайды.
- Джуртун къоругъан озар.
- Иги – алгъыш этер, аман – къаргъыш этер.
- Кёзню ачылгъаны – иги, ауузну джабылгъаны – иги.
- Акъыл неден да кючлюдю.
- Акъыл къартда, джашда тюйюлдю – башдады.
- Чакъырылмай келген къонакъ сыйланмай кетер.
- Абынмазлыкъ аякъ джокъ, джангылмазлыкъ джаякъ джокъ.
- Акъыл сабырлыкъ берир.
- Къызын тута билмеген, тул этер, джашын тута билмеген, къул этер.
- Махтаннган къыз, тойда джукълар.
- Къызбайны юйюне дери сюрсенг, батыр болур.
- Къартха ушагъан джаш – акъыллы, джашха ушагъан къарт – тели.
- Рысхысына кёре, джаш ёсер, къышлыгъына кёре, мал ёсер.
- Джюрек кёзден алгъа кёрюр.
- Юйюнгден чыкъдынг – кюнюнгден чыкъдынг.
- Билимли ёлмез, билимсиз кёрмез.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Эр сокъур болсун, къатын тилсиз болсун.
- Сёз садакъдан кючлюдю.
- Аз айтсам, кёб ангылагъыз.
- Танг атмайма десе да, кюн къоярыкъ тюйюлдю.
- Сабийни джумушха джибер да, ызындан бар.
- Эл элде бирер малынг болгъандан эсе, бирер тенгинг болсун.
- Тура эдим джата, къайдан чыкъды хата?
- Къарны аманнга къазан такъдырма, къолу аманнга от джакъдырма.
- Эринчекге кюн узун.
- Урунуу – насыбны анасы.
- Къонакъ болсанг, ийнакъ бол.
- Ач къарынны, токъ билмез
- Бети – къучакълар, джюреги – бычакълар.
- Чабакъ башындан чирийди.
- Рысхы – насыбха къор.
- Эм уллу байлыкъ – джан саулукъ.
- Акъыллы – эл иеси, тели – эл баласы.
- Билимден уллу байлыкъ джокъду.
- Ёмюрлюк шохлукъну джел элтмез.
- Адам сёзюнден белгили.
- Биреу ашаб къутулур, биреу джалаб тутулур.
- Аш берме да, къаш бер.
- Ётюрюкню башын керти кесер.
- Кёзю сокъурдан – къоркъма, кёлю сокъурдан – къоркъ.
- Башы джабылгъан челекге, кир тюшмез.
- Суу да къайтады чыкъгъан джерине.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72