- Эркишиге тары кебек танг кёрюнюр.
- Къайгъы тюбю – тенгиз.
- Джарлыны эшигин махтагъан джабар.
- Бюгюн дуния кибик, тамбла ахыратды.
- Арбаз къынгырды да, ийнек сауалмайма.
- Айран тёгюлсе, джугъусу къалыр.
- Билимсиз иш бармаз.
- Кийимни бичсенг, кенг бич, тар этген къыйын тюлдю.
- Адамны бетине къарама, адетине къара.
- Окъуу – билимни ачхычы, окъуу – дунияны бачхычы.
- Джауумдан сора, кюн кюйдюрюр, ётюрюкден сора, айыб кюйдюрюр.
- Арбаз сайлама да, хоншу сайла.
- Биреу къой излей, биреу той излей.
- Ауурну тюбю бла, дженгилни башы бла джюрюген.
- Окъугъан озар, окъумагъан тозар.
- Тёрде – темир таякълы, къаяда – чыпчыкъ аякълы.
- Бети къызарыучу адамны, джюреги харам болмаз.
- Чомарт къонакъ юй иесин сыйлар.
- Иги джашны ышаны – аз сёлешиб, кёб тынгылар.
- Айраннга суу къош, телиге джол бош.
- Ишлегенден, къарагъан уста.
- Эртде тургъан джылкъычыны эркек аты тай табар.
- Эринчекге кюн узун.
- Къыйынлы джети элни къайгъысын этер.
- Чабакъгъа акъыл, табагъа тюшсе келеди.
- Билимли ёлмез, билимсиз кёрмез.
- Киштикге къанат битсе, чыпчыкъ къалмаз эди.
- Уллу сёлешме да, уллу къаб.
- Джашны джигитлиги сорулур, къызны джигерлиги сорулур.
- Хазыр ашха – терен къашыкъ.
- Ата – билек, ана – джюрек!
- Ишни аллы бла къууанма да, арты бла къууан.
- Бир абыннган – минг сюрюнюр.
- Адамны сабийин сюйген джюреги, бычакъча, джитиди.
- Алим болгъандан эсе, адам болгъан къыйынды.
- Джаханимни кёрмей, джандетге кёл салмазса.
- Билими азны – ауузунда кирит.
- Адам сёзюнден белгили.
- Минг тенг да азды, бир джау да кёбдю.
- Ариу – кёзге, акъыл – джюрекге.
- Аман адам элни бир-бирине джау этер.
- Адам туугъан джеринде, ит тойгъан джеринде.
- Кёлю джокъну – джолу джокъ.
- Шекер бла туз – бир болмаз, ушамагъан – юй болмаз.
- Ойнаб айтсанг да, эслеб айт.
- Намысы болмагъанны, сыйы болмаз.
- Гугурук къычырмаса да, тангны атары къалмаз.
- Айыбны суу бла джууалмазса.
- Таукел тауну аудурур.
- Сютден ауузу кюйген, суугъа юфгюре эди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72