- Кёб къычыргъандан – къоркъма, тынч олтургъандан – къоркъ.
- Билеги кючлю, бирни джыгъар, билими кючлю, мингни джыгъар.
- Ашаса, ашамаса да, бёрюню ауузу – къан.
- Айыбны суу бла джууалмазса.
- Кюн – узун, ёмюр – къысха.
- Окъуу – билимни ачхычы, окъуу – дунияны бачхычы.
- Ойнай-ойнай кёз чыгъар.
- Тойгъан джерге джети къайт.
- Къыйынлы джети элни къайгъысын этер.
- Башда акъыл болмаса, эки аякъгъа кюч джетер.
- Окъугъан озар, окъумагъан тозар.
- Эки къатын алгъан – эки ташны ортасына башын салгъан.
- Джаным-тиним – окъуу, билим.
- Чарсда алчыны эл кёреди.
- Джеринден айырылгъан – джети джылар, джуртундан айырылгъан – ёлгюнчю джылар.
- Иги – алгъыш этер, аман – къаргъыш этер.
- Уллу къашыкъ эрин джыртар.
- Аджашханны ызындагъы кёреди, джангылгъанны джанындагъы биледи.
- Нёгер болсанг, тенг бол, тенг болмасанг, кенг бол.
- Сагъышы джокъ – джукъучу, акъылы джокъ – къаугъачы.
- Аманны къуугъан, аманлыкъ табар.
- Эртде тургъан бла эртде юйленнген сокъуранмаз.
- Акъыл сабырлыкъ берир.
- Тау башында, тау болмаз, джангыз терек, бау болмаз.
- Телини эшигин, махтау джабар.
- Окъугъан – асыу, окъумагъан – джарсыу.
- Къуллукъчума, деб махтанма, къуллукъ – хаух джамчыды!
- Кимни – тили, тиши онглу, кимни – къолу, иши онглу.
- Къартны сыйын кёрмеген, къартлыгъында сыйлы болмаз.
- Баргъанынга кёре болур келгенинг.
- Ач, тоймам, дейди, тойгъан, ач болмам, дейди.
- Ишге юренсин къоллары, халкъ бла болсун джоллары.
- Аш иеси бла татлыды.
- Ана кёлю – балада, бала кёлю – талада.
- Акъыл къартда, джашда тюйюлдю – башдады.
- Бети бедерден, намыс сакълама.
- Ёлмесенг да, къарт дамы болмазса?
- Дууулдаса – бал чибин, къонса – къара чибин.
- Эли джокъну – кёлю джокъ.
- Окъдан джара эртде-кеч болса да бителир, сёз джара, ёмюрге къалыр.
- Джангызны оту джарыкъ джанмаз!
- Билим насыб берир, билим джолну керир.
- Кёзюнде тереги болгъан, чёбю болгъаннга кюле эди.
- Келинни – келгинчи, бёркню кийгинчи кёр.
- Биреуню эскиси биреуге джангы болмайды.
- Берекет берсин деген джерде, берекет болур.
- Ётюрюкню къуйругъу – бир тутум.
- Джарлыны эшигин махтагъан джабар.
- Къызны минг тилер, бир алыр.
- Таш ата билмеген, башына урур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72