- Аз сёлешген, къайгъысыз турур.
- Джаш къарыу бла кючлю, къарт акъыл бла кючлю.
- Телиге акъыл салгъандан эсе, ёлгеннге джан салырса.
- Акъыллы башны – тили къысха.
- Юй кюйдю да, кюйюз чыкъды, ортасындан тюйюш чыкъды.
- Берекет берсин деген джерде, берекет болур.
- Бир онгсуз адам адет чыгъарды, деб эштирик тюлсе.
- Экеулен сёлеше тура эселе, орталарына барыб кирме.
- Малны кют, джерни тюрт.
- Билеги кючлю, бирни джыгъар, билими кючлю, мингни джыгъар.
- Терек ауса, отунчу – кёб.
- Эл ауузу – элек, анга ийнаннган – халек.
- Намысы болмагъанны, сыйы болмаз.
- Ауузу бла къуш тута айланады.
- Ётюрюкню башын керти кесер.
- Къартха ушагъан джаш – акъыллы, джашха ушагъан къарт – тели.
- Аджал соруб келмез, келсе, къайтыб кетмез.
- Мухар, кеси тойса да, кёзю тоймаз.
- Адебни адебсизден юрен.
- Атлыны ашхысы, ат тизгининден билинир
- Ариу сёз аурууунгу алыр.
- Аманнга игилик этсенг, юйюнге сау бармазса.
- Хоншуну тауугъу къаз кёрюнюр, келини къыз кёрюнюр.
- Кюн кёрмеген, кюн кёрсе, кюндюз чыракъ джандырыр.
- Тил – миллетни джаны.
- Бети – къучакълар, джюреги – бычакълар.
- Этек чакъмакълары баш джаргъан, сёлешген сёзлери таш джаргъан.
- Эртде тургъан бла эртде юйленнген сокъуранмаз.
- Таула не мийик болсала да, аууш табылыр.
- Ариу джол аджал келтирмез.
- Юй ишлеген балта эшикде къалыр.
- Дуния малгъа сатылма, кесингден телиге къатылма.
- Билими азны – ауузунда кирит.
- Къыйынлы джети элге оноу этер.
- Гырджын – тепсини тамадасы.
- Ана къолу ачытмаз.
- Джол бла сёзню къыйыры джокъ.
- Къатын къылыкъсыз, эр тынчлыкъсыз.
- Иши джокъну, сыйы джокъ.
- Акъыллы айтыр эди, акъылсыз къоймайды.
- Къозулугъунда тоймагъан, къойлугъунда тоймаз.
- Аякъларынгы джууургъанынга кёре узат.
- Ана – юйню кюн джарыгъы.
- Тойгъандан сора, ашны сёкме.
- Хата – гитчеден.
- Ётюрюкден тюбю джокъ, кёлтюрюрге джиби джокъ.
- Огъурлуну сёзю – суу, огъурсузну сёзю – уу.
- Ойнаб айтсанг да, эслеб айт.
- Чомартны къолу берекет.
- Чомарт къонакъ юй иесин сыйлар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72