- Бети бедерден, намыс сакълама.
- Иги болса, тамадама – махтау, аман болса, меннге – айыб.
- Ауругъанны сау билмез, ач къарынны токъ билмез.
- Иги сеники эсе да, сюйген кесимикин этеме.
- Джумушакъ сёз къаты таякъны сындырыр.
- Къызгъанчдан ычхыныр, мухардан ычхынмаз.
- Къыйынлы джети элге оноу этер.
- Къая джолда джортма, ачыкъ сёзден къоркъма.
- Адам къаллай бир ишленмесе, аллай бир кесин уллу кёреди.
- Кёлсюзден сёзсюз тууар.
- Кеси юйюмде мен да ханма.
- Тёзген – тёш ашар!
- Чалманны аллы къалай башланса, арты да алай барады.
- Арбаз сайлама да, хоншу сайла.
- Кёз – сюйген джерде, къол – ауругъан джерде.
- Джаш къарыу бла кючлю, къарт акъыл бла кючлю.
- Намысы болмагъанны, сыйы болмаз.
- Телиге от эт десенг, юйюнге от салыр.
- Джарлыны эшигин махтагъан джабар.
- Ач – эснер, ат – кишнер.
- Экеу тутушса, биреу джыгъылыр.
- Аууздан келген, къолдан келсе, ким да патчах болур эди.
- Ата – баланы уясы.
- Тулпарлыкъ, билекден тюл – джюрекден.
- Аш иеси бла татлыды.
- Тиширыусуз юй – отсуз от джагъа.
- Джылкъыдан – ат чыгъар, тукъумдан – джаш чыгъар.
- Ишленмеген джаш – джюгенсиз ат, ишленмеген къыз – тузсуз хант.
- Таш бла ургъанны, аш бла ур.
- Кёзню ачылгъаны – иги, ауузну джабылгъаны – иги.
- Ойнаб айтсанг да, эслеб айт.
- Дуния мал дунияда къалады.
- Аман адам этегингден тутса, кес да къач.
- Агъач халкъгъа алтынды, иссиликге салкъынды.
- Мураты болгъанны джюрек тебюую башхады.
- Баш болса, бёрк табылыр.
- Тюкюрюк баш джармаз, налат кёз чыгъармаз!
- Аджал соруб келмез, келсе, къайтыб кетмез.
- Рысхы – сют юсюнде кёмюк кибикди.
- Нёгерсизни джолу узун.
- Джыйырма къойну юч джыйырма эбзе кюте эди.
- Кечеси – аяз, кюню – къыш, джарлы къаргъагъа бир аш тюш!
- Эрине къаргъыш этген къатын, эрнин къабар.
- Ашда уялгъан – мухар, ишде уялгъан – хомух.
- Чабар ат – джетген къыз.
- Аллахдан тилесенг, кёб тиле.
- Чомартны къолун джокълукъ байлар.
- Уллу сёзде уят джокъ.
- Башы ишлегенни, ауузу да ишлер.
- Адеб базарда сатылмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72