Эльбрусоид :: Форум :: Архив форумов

Ашатыргъа иш – ашхы, ишлетирге аш – ашхы.
Къар – келтирди, суу – элтди.
Къызгъанчдан ычхыныр, мухардан ычхынмаз.
Байны оноуу, джарлыгъа джарамаз.
Билим – акъылны чырагъы.
Юй кюйдю да, кюйюз чыкъды, ортасындан тюйюш чыкъды.
Чомарт бергенин айтмаз.
Къарны аманнга къазан такъдырма, къолу аманнга от джакъдырма.
Аджалсыз ёлюм болмаз.
Ариу джол аджал келтирмез.
Билген билмегенни юретген адетди.
Къыз келсе, джумуш эте келеди, къатын келсе, ушакъ эте келеди.
Аш иеси бла татлыды.
Нарт сёз – тилни бети.
Атадан ёксюз – бир ёксюз, анадан ёксюз – эки ёксюз.
Эрине къаргъыш этген къатын, эрнин къабар.
Ашхы – джыяр, аман – джояр.
Джюрекге ариу – кёзге да ариу.
Элни кючю – эмеген.
Окъугъанны бети джарыкъ.
Окъугъан – асыу, окъумагъан – джарсыу.
Намысы джокъну – дуниясы джокъ.
Къонакъ аз олтурур, кёб сынар.
Акъыл бла адеб эгизледиле.
Арба аугъандан сора, джол кёргюзтюучю кёб болур.
Тойгъанлыкъ къойгъа джарашады.
Аджашханны ызындагъы кёреди, джангылгъанны джанындагъы биледи.
Минг тенг да азды, бир джау да кёбдю.
Къайгъы тюбю – тенгиз.
Сагъыш – къартлыкъгъа сюйюмчю.
Аманны къуугъан, аманлыкъ табар.
Айран тёгюлсе, джугъусу къалыр.
Аллахдан тилесенг, кёб тиле.
Иги сёз – джаннга азыкъ, аман сёз башха – къазыкъ.
Зар адам ашынгы ашар, кесинги сатар.
Намысы болмагъанны, сыйы болмаз.
Тыш элде солтан болгъандан эсе, кесинги элде олтан болгъан игиди!
Насыблыны баласы кюн кюнден да баш болур, насыбсызны баласы, кюн кюнден да джаш болур.
Хар адамгъа кеси миннген тау кибик.
Акъылсызны джууукъгъа алма, акъыллыны кенгнге салма.
Джаханимни кёрмей, джандетге кёл салмазса.
Таякъ этден ётер, тил сюекден ётер.
Халкъны юйю – туугъан джери.
Сангырау къулакъ эл бузар.
Харам къарнашдан, халал тенг ашхы.
Джарашыу сюйген – джалынчакъ.
Кёкдеги болмаса, джердегин кёрмейди.
Къарнынг ауруса, ауузунгу тый
Баш болса, бёрк табылыр.
Аууз сакълагъан – джан сакълар.

Логин:
Пароль:
	Запомнить меня на этом компьютере

Забыли свой пароль?
Регистрация