- Кёбге таш атма.
- Бек ашыкъгъан меннге джетсин, дегенди аракъы.
- Эски джаугъа ышанма.
- Уллу атлама – абынырса, уллу къабма – къарылырса.
- Окъугъан – асыу, окъумагъан – джарсыу.
- Эки ойлашыб, бир сёлешген.
- Ишлегенде эринме, ишде чолакъ кёрюнме.
- Дженгил джетерикме деб, узун джолну къоюб, къысхасын барма.
- Татлы тилде – сёз ариу, чемер къолда – иш ариу.
- Билгенни къолу къарны джандырыр.
- Ач къалгъандан, кеч къалгъан къолай.
- Башда акъыл болмаса, эки аякъгъа кюч джетер.
- Сибиртки да сыйлы болду, кюрек да кюнлю болду.
- Ушамагъан – джукъмаз.
- Адам къаллай бир ишленмесе, аллай бир кесин уллу кёреди.
- Башланнган иш битер, къымылдагъан тиш тюшер.
- Тынгылагъан тынгы бузар.
- Ханы къызы буюгъа-буюгъа киштик болду.
- Ёксюзню къалачы уллу кёрюнюр.
- Чакъырылмагъан къонакъ къачан кетерин сормаз.
- Эртде тургъан джылкъычыны эркек аты тай табар.
- Чоюнну башы ачыкъ болса, итге уят керекди.
- Бал – татлы, балдан да бала – татлы.
- Хата – гитчеден.
- Акъыл къартда, джашда тюйюлдю – башдады.
- Кёз – сюйген джерде, къол – ауругъан джерде.
- Аман къатын алгъан, арыр, иги къатын алгъан джарыр.
- Ана къойну – балагъа джандет.
- Къызын тута билмеген, тул этер, джашын тута билмеген, къул этер.
- Душманны тышы – акъ, ичи – къара.
- Башсыз урчукъ тюзюне айланмаз.
- Окъуу – билимни ачхычы, окъуу – дунияны бачхычы.
- Хунаны тюбюн къазсанг, юсюнге ауар.
- Атадан ёксюз – бир ёксюз, анадан ёксюз – эки ёксюз.
- Тойну къарнашы – харс, джырны къарнашы – эжиу.
- Битмегеннге сакъал – танг.
- Байны къызы баймакъ болса да, юйде къалмаз!
- Окъдан джара эртде-кеч болса да бителир, сёз джара, ёмюрге къалыр.
- Эл бла кёргенинг эрелей.
- Нарт сёз къарт болмаз.
- Джарлы джети элни сёзюн этер.
- Сангырау къулакъ эл бузар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Халкъны джырын джырласанг, халкъ санга эжиу этер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Чакъырылмай келген къонакъ сыйланмай кетер.
- Игилик игилик бла сингдирилиучю затды.
- Керилген да, ургъан кибикди.
- «Ёгюз, джаргъа джууукъ барма, меннге джюк боллукъса», - дегенди эшек.
- Ариу сёз – джаннга азыкъ, аман сёз – башха къазыкъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72