- Бастасын ашагъан, хантусун да ичер.
- Чакъырылмай келген къонакъ сыйланмай кетер.
- Акъыл сабырлыкъ берир.
- Адеб базарда сатылмаз.
- Ач да бол, токъ да бол – намысынга бек бол.
- Сагъышы джокъ – джукъучу, акъылы джокъ – къаугъачы.
- Абынмазлыкъ аякъ джокъ, джангылмазлыкъ джаякъ джокъ.
- Садакъачыны джаны – къапчыгъында.
- Къатыны харакетли болса, эри къымсыз болур.
- Керти сёзге тёре джокъ.
- Нарт сёз – тилни бети.
- Билими азны – ауузунда кирит.
- Окъуу – билимни ачхычы, окъуу – дунияны бачхычы.
- Айырылмаз джууугъунга, унутмаз сёзню айтма.
- Тёзгеннге, джабылгъан эшик ачылыр.
- Накъырда – кертини келечиси.
- Къайгъыны сюйген, къайгъы табар.
- Ашарыкъда сайлагъаннга – чий гырджын.
- Ауругъан – джашаудан умутчу.
- Баш – акъыл ючюн, акъылман – халкъ ючюн.
- Малны кют, джерни тюрт.
- Билимли ёлмез, билимсиз кёрмез.
- Джан саулукъ бермей, сан саулукъ бермезсе.
- Хар сёзню орну барды.
- Кёл – къызбай, къол – батыр.
- Сакъ юйюне сау барыр.
- Бозаны арты дауур болур.
- Кёбню кёрген – кёб билир.
- Таукелге нюр джауар.
- Джаралыны джастыгъында сау ёлюр.
- Джолда аягъынга сакъ бол, ушакъда тилинге сакъ бол.
- Азыкъ аз болса, эртде орун сал.
- Насыблы элин сюер, насыбсыз кесин сюер.
- Байдан умут эте, джарлыдан ёгюз багъасы къорады.
- Тамчы таш тешер.
- Ёнгкюч къууана барыр, джылай келир.
- Джылыгъа джылан илешир.
- Накъырданы арты керти болур.
- Тюзлюк шохлукъну бегитир.
- Ёлюр джаннга, ёкюл джокъ.
- Къуру гыбыт бек дыгъырдар.
- Къызбайны юйюне дери сюрсенг, батыр болур.
- Сёз – кюмюш, джыр – алтын.
- Таукел адам тау тешер.
- Болджал ишни бёрю ашар.
- Дуния малгъа сатылма, кесингден телиге къатылма.
- Хантына кёре тузу, юйюне кёре къызы.
- Ашлыкъ – бюртюкден, джюн – тюкден.
- Суу да къайтады чыкъгъан джерине.
- Окъугъанны бети джарыкъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72