- Джюрекге ариу – кёзге да ариу.
- Артына баргъанны, къатына барма.
- Тенгинг джокъ эсе – изле, бар эсе – сакъла!
- Тели турса – той бузар.
- Хар ишни да аллы къыйынды.
- Тешик этген тынчды, аны джамагъан къыйынды.
- Насыб бютеу халкъны юлюшюдю.
- Алгъанда – джууукъ, бергенде – джау.
- Этни да ашады, бетни да ашады.
- Мухарны эси – ашарыкъда.
- Ач къалгъандан, кеч къалгъан къолай.
- Кийим тукъум сордурур.
- Бет бетге къараса, бет да джерге къарар.
- Этек чакъмакълары баш джаргъан, сёлешген сёзлери таш джаргъан.
- Окъ къызбайны джокълайды.
- Асхат ашлыкъ сата, юйдегиси ачдан къата.
- Къозулугъунда тоймагъан, къойлугъунда тоймаз.
- Бозанг болмагъан джерге, къалагъынгы сукъма.
- Азыкълы ат арымаз, къатыны аман джарымаз.
- Танг атмайма десе да, кюн къоярыкъ тюйюлдю.
- Ариу джол аджал келтирмез.
- Эм уллу байлыкъ – джан саулукъ.
- Окъуу – билимни ачхычы, окъуу – дунияны бачхычы.
- Нарт сёз – тилни бети.
- Къар – келтирди, суу – элтди.
- Эл ауузу – элек, анга ийнаннган – халек.
- Атлыны ашхысы, ат тизгининден билинир
- Ётюрюкню башын керти кесер.
- Сибиртки да сыйлы болду, кюрек да кюнлю болду.
- Кёбден умут этиб, аздан къуру къалма.
- Аш хазыр болса, иш харам болур.
- Термилгенинги табмазса, кюлгенинге тюберсе.
- Ач отунчуну ачыуу – бурнунда.
- Къонакъ аман болса, къонакъбай джунчур
- Итли къонакъ джарашмаз.
- Дуния мал дунияда къалады.
- Керти сёзге тёре джокъ.
- Тёзген – тёш ашар!
- Билимден уллу байлыкъ джокъду.
- Айранны сюйген, ийнек тутар.
- Акъыл аздырмаз, билим тоздурмаз.
- Кесине оноу эте билмеген, халкъына да эте билмез.
- Ашхы тенг джолгъа салыр, аман тенг джолдан тайдырыр.
- Тенги кёбню джау алмаз, акъылы кёбню дау алмаз.
- Экеу тутушса, биреу джыгъылыр.
- Ариу сёз аурууунгу алыр.
- Сёз къанатсыз учар.
- Джумушакъ терекни къурт ашар.
- Къарт бла баш аша, джаш бла аякъ аша.
- Келлик заман – къартлыкъ келтирир, кетген заман – джашлыкъ ёлтюрюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72