- Ариу сёз – къылычдан джити.
- Акъыллы эркиши атын махтар, акъылсыз эркиши къатынын махтар.
- Тойгъанлыкъ къойгъа джарашады.
- Къонакъ хазыр болгъанлыкъгъа, къонакъбай хазыр тюлдю.
- Аз сёлешген, къайгъысыз турур.
- Бал – татлы, балдан да бала – татлы.
- Телиге от эт десенг, юйюнге от салыр.
- Мадар болса, къадар болур.
- Ёксюзню къалачы уллу кёрюнюр.
- Тели турса – той бузар.
- Эрине къаргъыш этген къатын, эрнин къабар.
- Эркишини аманы тиширыуну джылатыр.
- Бичгенде ашыкъма, тикгенде ашыкъ.
- Ашатыргъа иш – ашхы, ишлетирге аш – ашхы.
- Хансыз джомакъ болмаз.
- Ойнай-ойнай кёз чыгъар.
- Адам сёзге тынгыла, акъыл сёзню ангыла.
- Нарт сёз къарт болмаз.
- Кёзюнде тереги болгъан, чёбю болгъаннга кюле эди.
- Тил – кесген бычакъ, сёз – атылгъан окъ.
- Къызгъанчдан ычхыныр, мухардан ычхынмаз.
- Эшекни не къадар тюйсенг да, ат болмаз.
- Акъыл бла адеб эгизледиле.
- Юй кюйдю да, кюйюз чыкъды, ортасындан тюйюш чыкъды.
- Сакъ юйюне сау барыр.
- Кенгеш болса, уруш болмаз.
- Къумурсхала джыйылсала, пилни да джыгъадыла.
- Борчунг бар эсе, хурджунунга ойлаб узал.
- Иги болса, тамадама – махтау, аман болса, меннге – айыб.
- Билим къая тешер.
- Кийимни бир кюнню аясанг, минг кюннге джарар.
- Тил бла келеди джыр да.
- Ишни аллы бла къууанма да, арты бла къууан.
- Акъыллы айтыр эди, акъылсыз къоймайды.
- Аманны эки битли тону болур, бирин сеннге кийдирир, бирин кеси киер.
- Аманнга да, игиге да оноусуз къатышма.
- Бети къызарыучу адамны, джюреги харам болмаз.
- Аш хазыр болса, иш харам болур.
- Тенги кёбню джау алмаз, акъылы кёбню дау алмаз.
- Алим болгъандан эсе, адам болгъан къыйынды.
- Къая джолда джортма, ачыкъ сёзден къоркъма.
- Биреу ашаб къутулур, биреу джалаб тутулур.
- Кеси юйюмде мен да ханма.
- Ариу сёз – джаннга азыкъ, аман сёз – башха къазыкъ.
- Ойнай билмеген, уруб къачар.
- Джашны джигитлиги сорулур, къызны джигерлиги сорулур.
- Ашхы болсанг, атынг чыгъар, аман болсанг, джанынг чыгъар.
- Аш кетер да бет къалыр.
- Байлыкъ болгъан джерде, тынчлыкъ джокъду.
- Ауругъанны сау билмез, ач къарынны токъ билмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72