- Адамны аманы адамны бети бла ойнар.
- Халкъны джырын джырласанг, халкъ санга эжиу этер.
- Бети – къучакълар, джюреги – бычакълар.
- Ач келгенни – тойдур, кеч келгенни – къондур.
- Уллу къашыкъ эрин джыртар.
- Ашда – бёрю, ишде – ёлю.
- Азыкълы ат арымаз, къатыны аман джарымаз.
- Терек ауса, отунчу – кёб.
- Къатыны харакетли болса, эри къымсыз болур.
- Ёксюзню къалачы уллу кёрюнюр.
- Ашлыкъны арба юйге келтирир, чана базаргъа элтир.
- Кёпюр салгъан кеси ётер, уру къазгъан кеси кетер.
- Къайтырыкъ эшигинги, къаты уруб чыкъма.
- Узун джолну барсанг, бюгюн келирсе, къысха джолну барсанг, тамбла келирсе.
- Джиби бир къат джетмей эди да, эки къат тарта эди.
- Юреннген ауруу къалмаз.
- Тойгъандан сора, ашны сёкме.
- Оюмсуз атлагъан, аджалсыз ёлюр.
- Ата – баланы уясы.
- Хатерли къул болур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ётген ёмюр – акъгъан суу.
- Джигер – джаннга къыйынлыкъ.
- Эки итни арасына сюек атма, эки адамны арасында сёз чыгъарма.
- Тойчу джашха къарама, къойчу джашха къара.
- Нарт сёз – тилни бети.
- Эри аманны, къатыны – аман.
- Элиб деген, элге болушур.
- Нёгер болсанг, тенг бол, тенг болмасанг, кенг бол.
- Келлик заман – къартлыкъ келтирир, кетген заман – джашлыкъ ёлтюрюр.
- Тойгъа алгъа да барма, тойда артха да къалма.
- Татлы сёз – балдан татлы.
- Адамны бетине къарама, адетине къара.
- Аз сёлешген, къайгъысыз турур.
- Намыс сатылыб алынмайды.
- Ханы къызы буюгъа-буюгъа киштик болду.
- Тили узунну, намысы – къысха.
- Тёрде – темир таякълы, къаяда – чыпчыкъ аякълы.
- Байма, деб да, къууанма, джарлыма, деб да, джылама.
- Тау башында, тау болмаз, джангыз терек, бау болмаз.
- Накъырданы арты керти болур.
- Эринчекни аурууу – кёб.
- Аш иеси бла татлыды.
- Ашын ашагъанынгы, башын да сыйла.
- Къартны бурнун сюрт да, оноугъа тут.
- Джюрек кёзден алгъа кёрюр.
- Кёб къычыргъандан – къоркъма, тынч олтургъандан – къоркъ.
- Тыш элде солтан болгъандан эсе, кесинги элде олтан болгъан игиди!
- Джарлыны эшигин махтагъан джабар.
- Атадан ёксюз – бир ёксюз, анадан ёксюз – эки ёксюз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72