- Бети къызарыучу адамны, джюреги харам болмаз.
- Байлыкъ болгъан джерде, тынчлыкъ джокъду.
- Сёз къанатсыз учар.
- Болджал ишни бёрю ашар.
- Нафысынгы айтханын этме, намысынгы айтханын эт.
- Тау башында, тау болмаз, джангыз терек, бау болмаз.
- Мал кёб болса, джууукъ кёб болур.
- Чарсда алчыны эл кёреди.
- Ариу сёз аурууунгу алыр.
- Дуния мал дунияда къалады.
- Аз сёлешген, къайгъысыз турур.
- Аууз сакълагъан – джан сакълар.
- Эм уллу байлыкъ – джан саулукъ.
- Ёлген эшек бёрюден къоркъмайды.
- Хар зат кесини орнуна иги.
- Узун джолну барсанг, бюгюн келирсе, къысха джолну барсанг, тамбла келирсе.
- Алтыда кюлмеген, алтмышда кюлмез.
- Ачыкъ джюрекге джол – ачыкъ.
- Орну джокъну – сыйы джокъ.
- Урунуу – насыбны анасы.
- Адебни адебсизден юрен.
- Нарт сёз – тилни бети.
- Биреуге аманлыкъ этиб, кесинге игилик табмазса.
- Тамчы таш тешер.
- Чабакъсыз кёлге къармакъ салгъанлыкъгъа, чабакъ тутмазса.
- Аурууну келиую тынч, кетиую – къыйын.
- Мухарны эси – ашарыкъда.
- Ашхы сёз таш тешер.
- Къонакъ аз олтурур, кёб сынар.
- Ашыкъгъан cуу, тенгизге джетмез.
- Къонакъ аман болса, къонакъбай джунчур
- Ауузу бла къуш тута айланады.
- Термилгенинги табмазса, кюлгенинге тюберсе.
- Сууда джау джокъ, кёб сёзде магъана джокъ.
- Таула не мийик болсала да, аууш табылыр.
- Уллу атлама – абынырса, уллу къабма – къарылырса.
- Чабакъ башындан чирийди.
- Джыгъылгъанны сырты джерден тоймаз.
- Адеб базарда сатылмаз.
- Байлыкъ келсе, акъыл кетер.
- Келлик заман – къартлыкъ келтирир, кетген заман – джашлыкъ ёлтюрюр.
- Эркиши – от, тиширыу – суу.
- Къонагъынгы артмагъын алма да, алгъышын ал.
- Бёрю да ач къалмасын, эчки да ашалмасын.
- Терслик кетер, тюзлюк джетер.
- Кийимни бичсенг, кенг бич, тар этген къыйын тюлдю.
- Бети бедерден, намыс сакълама.
- Къазанны башы ачыкъ болса, итге уят керекди.
- Джеринден айырылгъан – джети джылар, джуртундан айырылгъан – ёлгюнчю джылар.
- Ач, тоймам, дейди, тойгъан, ач болмам, дейди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72