Эльбрусоид :: Форум :: Архив форумов

Билеги кючлю, бирни джыгъар, билими кючлю, мингни джыгъар.
Ашыкъгъан cуу, тенгизге джетмез.
Эр сокъур болсун, къатын тилсиз болсун.
Джашынгы кесинг юретмесенг, джашау юретир.
Дуния мал дунияда къалады.
Сабийни джумушха джибер да, ызындан бар.
Бёрю да ач къалмасын, эчки да ашалмасын.
Адамны аты башхача, акъылы да башхады.
Кюн – узун, ёмюр – къысха.
Къыз тиширыу кеси юйюнде да къонакъды.
Джарлы джети элни сёзюн этер.
Ауурну тюбю бла, дженгилни башы бла джюрюген.
Сёз – кюмюш, джыр – алтын.
Орундукъ тюбюнде атылсам да, орта джиликме, де да айлан.
Юреннген ауруу къалмаз.
Къарын къуру болса, джюрек уру болур.
Иги адамны бир сёзю эки болмаз.
Адам сёзге тынгыла, акъыл сёзню ангыла.
Эки ойлашыб, бир сёлешген.
Акъыллы – эл иеси, тели – эл баласы.
Байдан умут эте, джарлыдан ёгюз багъасы къорады.
Джукъу тёшек сайламайды.
Тилчи бир сагъатха айлыкъ хата этер.
Кёб ант этген, кёб ётюрюк айтыр.
Джолда аягъынга сакъ бол, ушакъда тилинге сакъ бол.
«Ма», - дегенни билмесенг, «бер», - дегенни билмезсе.
Джырчы ёлсе, джыры къалыр.
Ишлерге уял да, ашаргъа табма.
Арпа, будай – ащды, алтын, кюмюш а – ташды.
Хоншуну тауугъу къаз кёрюнюр, келини къыз кёрюнюр.
Кёб къычыргъандан – къоркъма, тынч олтургъандан – къоркъ.
Кюл тюбюндеги от кёрюнмейди.
Алгъанда – джууукъ, бергенде – джау.
Адам сёзюнден белгили.
Сагъышы джокъ – джукъучу, акъылы джокъ – къаугъачы.
Биреуге кёлтюрген таягъынг, кесинги башынга урур.
Айраннга суу къош, телиге джол бош.
Эри аманны, къатыны – аман.
Хар ишни да аллы къыйынды.
Джюрек кёзден алгъа кёрюр.
Ариу сёз джыланны орнундан чыгъарыр.
Тура эдим джата, къайдан чыкъды хата?
Къатын къылыкъсыз, эр тынчлыкъсыз.
Булут кёкге джарашыу, уят бетге джарашыу.
Къарыусузгъа кюлме, онгсузгъа тийме.
Сёз сёзню айтдырыр.
Тин – байлыгъынг, терен саулугъунг.
Ышармагъан – кюлмез, кюлмеген – къууанчны билмез.
Эки къатын алгъанны къулагъы тынгнгаймаз.
Тили узунну, намысы – къысха.

Логин:
Пароль:
	Запомнить меня на этом компьютере

Забыли свой пароль?
Регистрация