- Ёзденликни кёбю ётюрюк.
- Ойнай-ойнай кёз чыгъар.
- Джахил болса анасы, не билликди баласы?
- Къазанчы аман болса, къазаны къайнамаз.
- Адам боллукъ, атламындан белгили болур.
- Ауругъанны сау билмез, ач къарынны токъ билмез.
- Ачыу алгъа келсе, акъыл артха къалады.
- Чакъырылмагъан джерге барма, чакъырылгъан джерден къалма.
- Эртде тургъан бла эртде юйленнген сокъуранмаз.
- Иесиз малны бёрю ашар.
- Башынга джетмегенни сорма.
- Ачлыкъ отха секиртир.
- Къозулугъунда тоймагъан, къойлугъунда тоймаз.
- Насыблы элин сюер, насыбсыз кесин сюер.
- Узун джолну барсанг, бюгюн келирсе, къысха джолну барсанг, тамбла келирсе.
- Ашлыкъны арба юйге келтирир, чана базаргъа элтир.
- Ёксюзню къалачы уллу кёрюнюр.
- Уллу сёзде уят джокъ.
- Таукел къуру къалмаз.
- Тил джюрекге джол ишлейди.
- Тойгъанлыкъ къойгъа джарашады.
- Баш болса, бёрк табылыр.
- Къоркъакъны кёзю экили кёрюр.
- Джан саулукъ бермей, сан саулукъ бермезсе.
- Адам сёзюнден белгили.
- Ашхы болсанг, атынг чыгъар, аман болсанг, джанынг чыгъар.
- Байлыкъ келсе, акъыл кетер.
- Къартха ушагъан джаш – акъыллы, джашха ушагъан къарт – тели.
- Босагъагъа джууукъ орун болса, ашыгъыб тёрге озма.
- Хата – гитчеден.
- Къулакъдан эсе, кёзге ышан.
- Келинни – келгинчи, бёркню кийгинчи кёр.
- Арпа, будай – ащды, алтын, кюмюш а – ташды.
- Къарнынг ауруса, ауузунгу тый
- Кёзден кетген, кёлден да кетеди.
- Кийимни бичсенг, кенг бич, тар этген къыйын тюлдю.
- Тойчу джашха къарама, къойчу джашха къара.
- Тойгъан джерден туугъан джер игиди.
- Ашда – бёрю, ишде – ёлю.
- Таула не мийик болсала да, аууш табылыр.
- Ашхы адам – халкъ байлыгъы, ашхы джер – джашау байлыгъы.
- Эртде тургъан джылкъычыны эркек аты тай табар.
- Джаханимни кёрмей, джандетге кёл салмазса.
- Кёкдеги болмаса, джердегин кёрмейди.
- Кёлсюзден сёзсюз тууар.
- Тилчи бир сагъатха айлыкъ хата этер.
- Чомартны къолу берекет.
- Термилгенинги табмазса, кюлгенинге тюберсе.
- Къая джолда джортма, ачыкъ сёзден къоркъма.
- Тамырсыз терекге таянма – джыгъылырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72