- Гугук кесини атын айтыб къычыргъанча, мен, мен деб нек тураса?
- Аз сёлешген, къайгъысыз турур.
- Аджашханны ызындагъы кёреди, джангылгъанны джанындагъы биледи.
- Эринчекге кюн узун.
- Зарда марда джокъ.
- Биреу ашаб къутулур, биреу джалаб тутулур.
- Джырына кёре эжиую.
- Байлыкъ келсе, акъыл кетер.
- Ашарыкъда сайлагъаннга – чий гырджын.
- Чакъырылмагъан джерге барма, чакъырылгъан джерден къалма.
- Къызны минг тилер, бир алыр.
- Биреуню тёрюнден, кесинги эшик артынг игиди.
- Аман эсирсе, юйюн ояр.
- Арба аугъандан сора, джол кёргюзтюучю кёб болур.
- Шекер бла туз – бир болмаз, ушамагъан – юй болмаз.
- Джаралыны джастыгъында сау ёлюр.
- Ач келгенни – тойдур, кеч келгенни – къондур.
- Акъыл сабырлыкъ берир.
- Дуния малгъа сатылма, кесингден телиге къатылма.
- Ёгюзню мюйюзюнден тутадыла, адамны сёзюнден тутадыла.
- Джогъун бар этген, барын бал этген.
- Ётюрюкден тюбю джокъ, кёлтюрюрге джиби джокъ.
- Таукел къуру къалмаз.
- Къарнынг тойгъунчу аша да, белинг талгъынчы ишле.
- Ата – билек, ана – джюрек!
- Тешигини къатында, чычхан да батыр болур.
- Бети къызарыучу адамны, джюреги харам болмаз.
- Таукел тауну аудурур.
- Эркишиге тары кебек танг кёрюнюр.
- Ёлюр джаннга, ёкюл джокъ.
- Эски джаугъа ышанма.
- Сабий кёргенин унутмаз.
- Нёгер болсанг, тенг бол, тенг болмасанг, кенг бол.
- Эллинг бла джау болсанг да, юйюнг бла джау болма.
- Джаз бир кюнню джатсанг, къыш талай кюнню абынырса.
- Аджаллыгъа окъсуз шкок атылыр.
- Тюзлюк шохлукъну бегитир.
- Джашлыкъ этмеген, башлыкъ этмез.
- Мал ёлсе, сюек къалыр, адам ёлсе, иши къалыр.
- Этек чакъмакълары баш джаргъан, сёлешген сёзлери таш джаргъан.
- Игилик игилик бла сингдирилиучю затды.
- Юйюнг бла джау болгъандан эсе, элинг бла джау бол.
- Биреу къой излей, биреу той излей.
- Къулакъдан эсе, кёзге ышан.
- Ачыу алгъа келсе, акъыл артха къалады.
- Хатерли къул болур.
- Ётюрюкню башын керти кесер.
- Итли къонакъ джарашмаз.
- Джаханимни кёрмей, джандетге кёл салмазса.
- Бетинги сатма, малынгы сат.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72