- Дженгил джетерикме деб, узун джолну къоюб, къысхасын барма.
- Суугъа – таянма, джаугъа – ийнанма.
- Ашын ашагъанынгы, башын да сыйла.
- Ата Джуртча джер болмаз, туугъан элча эл болмаз.
- Ашына кёре табагъы, балына кёре къалагъы.
- Джыйырма къойну юч джыйырма эбзе кюте эди.
- Чакъырылмай келген къонакъ сыйланмай кетер.
- Ана къойну – балагъа джандет.
- Таукел адам тау тешер.
- Эм ашхы къайын ана мамукъ бла башынгы тешер.
- Мал кёб болса, джууукъ кёб болур.
- Ёзденликни кёбю ётюрюк.
- Тойгъа барсанг, тоюб бар, эски тонунгу къоюб бар.
- Душманны тышы – акъ, ичи – къара.
- Аякъларынгы джууургъанынга кёре узат.
- Босагъа таш юйге кирмей эди, тыбыр таш эшикге чыкъмай эди.
- Ёлюк кебинсиз къалмаз.
- Тыш элде солтан болгъандан эсе, кесинги элде олтан болгъан игиди!
- От кюйдюрген, сау болса да, тот кюйдюрген, сау болмаз.
- Сёз – кюмюш, джыр – алтын.
- Джыгъылгъанны сырты джерден тоймаз.
- Тюз сёз баргъан сууну тыяр.
- Халкъны джырын джырласанг, халкъ санга эжиу этер.
- Ариуну – ауруу кёб.
- Иги болса, тамадама – махтау, аман болса, меннге – айыб.
- Аман хансны – урлугъу кёб.
- Бозаны арты дауур болур.
- Хар ишни да аллы къыйынды.
- Онгсузну – джакъла, тенгликни – сакъла.
- Кесине оноу эте билмеген, халкъына да эте билмез.
- Айранны сюйген, ийнек тутар.
- Кюн – узун, ёмюр – къысха.
- Керти сёзге тёре джокъ.
- Насыб бютеу халкъны юлюшюдю.
- Булут кёкге джарашыу, уят бетге джарашыу.
- Гугук кесини атын айтыб къычыргъанча, мен, мен деб нек тураса?
- Джангызны оту джарыкъ джанмаз!
- Иги сеники эсе да, сюйген кесимикин этеме.
- Алтыннга тот къонмаз.
- Къызбайны юйюне дери сюрсенг, батыр болур.
- Чёбню кёлтюрсенг, тюбюнден сёз чыгъар.
- Джерни букъусу кёкге къонмаз.
- Башланнган иш битер, къымылдагъан тиш тюшер.
- Биреуге аманлыкъны тилеме да, кесинге ашхылыкъны тиле.
- Бал – татлы, балдан да бала – татлы.
- Ата джурт – алтын бешик.
- Джетген къыз джерли эшекни танымаз.
- Ариу – кёзге, акъыл – джюрекге.
- Суу ичген шауданынга тюкюрме.
- Эшекни не къадар тюйсенг да, ат болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72