- Кечеси – аяз, кюню – къыш, джарлы къаргъагъа бир аш тюш!
- Аман хансны – урлугъу кёб.
- Къарт бла баш аша, джаш бла аякъ аша.
- Къан бла кирген, джан бла чыгъар.
- Халкъгъа джарагъан, джарлы къалмаз.
- Билгенни къолу къарны джандырыр.
- Эки къатын алгъанны къулагъы тынгнгаймаз.
- Акъыл къартда, джашда тюйюлдю – башдады.
- Ётюрюк хапар аякъ тюбю бла джюрюйдю.
- Акъыллы – эл иеси, тели – эл баласы.
- Эртде тургъан бла эртде юйленнген сокъуранмаз.
- Джогъун бар этген, барын бал этген.
- Туз, гырджын аша, тюзлюк бла джаша.
- Иги сеники эсе да, сюйген кесимикин этеме.
- Уллу сёзде уят джокъ.
- Бермеген къол, алмайды.
- Игини сыйлагъан адетди.
- Ашхылыкъ джерде джатмайды, аманлыкъ суугъа батмайды.
- Хата – гитчеден.
- Тойгъандан сора, ашны сёкме.
- Ишни ахырын ойламай, аллын башлама.
- Джангыз терек къынгыр ёсер.
- Къатыны харакетли болса, эри къымсыз болур.
- Аш иеси бла татлыды.
- Юйлю уругъа ит чабмаз.
- Таякъ этден ётер, тил сюекден ётер.
- Къонакъ аз олтурур, кёб сынар.
- Арбаз сайлама да, хоншу сайла.
- Бек анасы джыламаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Айныгъанлы алты кюн, тогъайгъанлы тогъуз кюн.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Намысы джокъну – дуниясы джокъ.
- Джашлыкъ этмеген, башлыкъ этмез.
- Бир онгсуз адам адет чыгъарды, деб эштирик тюлсе.
- Арба аугъандан сора, джол кёргюзтюучю кёб болур.
- Ашын ашагъанынгы, башын да сыйла.
- Чомарт джарлы болмаз.
- Юре билмеген ит, къонакъ келтирир.
- Къуру гыбыт бек дыгъырдар.
- Ичимден чыкъды хата, къайры барайым сата?
- Хар адамгъа кеси миннген тау кибик.
- Джарлыны эшигин махтагъан джабар.
- Минг тенг да азды, бир джау да кёбдю.
- Акъыл бла адеб эгизледиле.
- Чакъырылмагъан къонакъ къачан кетерин сормаз.
- Агъач халкъгъа алтынды, иссиликге салкъынды.
- Ачлыкъда тары гырджын халыуадан татлы.
- Тёрде – темир таякълы, къаяда – чыпчыкъ аякълы.
- Къар – келтирди, суу – элтди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72