- Тойгъан антын унутур.
- Байдан умут эте, джарлыдан ёгюз багъасы къорады.
- Ариу сёз аурууунгу алыр.
- Ачыкъ джюрекге джол – ачыкъ.
- Хазыр ашха – терен къашыкъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эртде тургъан джылкъычыны эркек аты тай табар.
- Билмегенинги, билгеннге сор.
- Бет бетге къараса, бет да джерге къарар.
- Керилген да, ургъан кибикди.
- Эрине къаргъыш этген къатын, эрнин къабар.
- Ишленмеклик адамлыкъды.
- Къайгъыны сюйген, къайгъы табар.
- Тил бла келеди джыр да.
- Къартны бурнун сюрт да, оноугъа тут.
- Таукел тауну аудурур.
- Джарлы джети элни сёзюн этер.
- Акъыллы айтыр эди, акъылсыз къоймайды.
- «Ёгюз, джаргъа джууукъ барма, меннге джюк боллукъса», - дегенди эшек.
- Келинни – келгинчи, бёркню кийгинчи кёр.
- Келлик заман – къартлыкъ келтирир, кетген заман – джашлыкъ ёлтюрюр.
- Тели турса – той бузар.
- Ауругъаннга – кийик саулукъ, джетген къызгъа – чилле джаулукъ.
- Оюмсуз атлагъан, аджалсыз ёлюр.
- Билим ат болуб да чабар, къуш болуб да учар.
- Джумушакъ терекни къурт ашар.
- Келинин тута билмеген, къул этер, къызын тута билмеген, тул этер.
- Бал – татлы, балдан да бала – татлы.
- Джарлыны тону джаз битер.
- Сыфатында болмагъаны, суратында болмаз.
- Джыланны къуйругъундан басарынг келсе, аны башы болгъанын унутма.
- Тойгъан джерге джети къайт.
- Суу кетер, таш къалыр.
- Ауурну тюбю бла, дженгилни башы бла джюрюген.
- Киштикге къанат битсе, чыпчыкъ къалмаз эди.
- Садакъачыны джаны – къапчыгъында.
- Айраннга суу къош, телиге джол бош.
- Нарт сёз къарт болмаз.
- Ариу сёз – джаннга азыкъ, аман сёз – башха къазыкъ.
- Аманны эки битли тону болур, бирин сеннге кийдирир, бирин кеси киер.
- Билимден уллу байлыкъ джокъду.
- Кёлсюзден сёзсюз тууар.
- Мухарны эси – ашарыкъда.
- Тили узунну, намысы – къысха.
- Джылар джаш, атасыны сакъалы бла ойнар.
- Джуртун къоругъан озар.
- Байлыкъ адамны сокъур этер.
- Ашда – бёрю, ишде – ёлю.
- Этим кетсе да, сюегим къалыр.
- Биреуге аманлыкъ этиб, кесинге игилик табмазса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72