- Къарнынг тойгъунчу аша да, белинг талгъынчы ишле.
- Къан бла кирген, джан бла чыгъар.
- Атынг аманнга чыкъгъандан эсе, джанынг тамагъынгдан чыкъсын.
- Таш бла ургъанны, аш бла ур.
- Сёз садакъдан кючлюдю.
- Билгенни къолу къарны джандырыр.
- Айтхан сёзюне табылгъан.
- Сабий болмагъан джерде, мёлек болмаз.
- Ишлегенден, къарагъан уста.
- Тынгылагъан тынгы бузар.
- Бал – татлы, балдан да бала – татлы.
- Билим къая тешер.
- Тили узунну, намысы – къысха.
- Адам къаллай бир ишленмесе, аллай бир кесин уллу кёреди.
- Хазыр ашха – терен къашыкъ.
- Эки ойлашыб, бир сёлешген.
- Нёгерсизни джолу узун.
- Къонагъынгы артмагъын алма да, алгъышын ал.
- Битмегеннге сакъал – танг.
- Ашда уялгъан – мухар, ишде уялгъан – хомух.
- Этни бети бла шорпасы.
- Эрни эр этерик да, къара джер этерик да, тиширыуду.
- Къошда джокъгъа – юлюш джокъ.
- Къанны къан бла джуума, аманны аман бла къуума.
- Айырылмаз джууугъунга, унутмаз сёзню айтма.
- Башы ишлегенни, ауузу да ишлер.
- Уллу суу бла уллу ауруудан башынгы сакъла.
- Ичимден чыкъды хата, къайры барайым сата?
- Ариу сёз аурууунгу алыр.
- Ёлген ийнек сютлю болур.
- Ариу джол аджал келтирмез.
- Дуния мал дунияда къалады.
- Ишлегенде эринме, ишде чолакъ кёрюнме.
- Акъылсызны джууукъгъа алма, акъыллыны кенгнге салма.
- Биреуню эскиси биреуге джангы болмайды.
- Айран тёгюлсе, джугъусу къалыр.
- Юй кюйдю да, кюйюз чыкъды, ортасындан тюйюш чыкъды.
- Къарт айтханны этмеген, къартаймаз.
- Чакъырылмагъан джерге барма, чакъырылгъан джерден къалма.
- Джан саулукъ бермей, сан саулукъ бермезсе.
- Ёзденликни кёбю ётюрюк.
- Эрине къаргъыш этген къатын, эрнин къабар.
- Киштикге къанат битсе, чыпчыкъ къалмаз эди.
- Тёрдеги кюлсе, эшикдеги ышарыр.
- Ойнай билмеген, оюн бузар.
- Гугук кесини атын айтыб къычыргъанча, мен, мен деб нек тураса?
- Чомарт къонакъ юй иесин сыйлар.
- Ётюрюкню башын керти кесер.
- Башланнган иш битер, къымылдагъан тиш тюшер.
- Чакъырылмай келген къонакъ сыйланмай кетер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72