- Сабийликде юретмесенг, уллу болса – тюзелмез.
- Акъыл къартда, джашда тюйюлдю – башдады.
- Мухар, кеси тойса да, кёзю тоймаз.
- Тилде сюек болмаса да, сюек сындырыр.
- Сабыр джетер муратха, сабырсыз къалыр уятха.
- Адамны адамлыгъы къыйынлыкъда айгъакъланады.
- Билмейме деген – бир сёз
- Билим ат болуб да чабар, къуш болуб да учар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ашаса, ашамаса да, бёрюню ауузу – къан.
- Кёл ашады да, кеси ашады.
- Къайгъы тюбю – тенгиз.
- Терек ауса, отунчу – кёб.
- Адам къаллай бир ишленмесе, аллай бир кесин уллу кёреди.
- Уллу атлама – абынырса, уллу къабма – къарылырса.
- Къонакъны къачан кетерин сорма, къачан келлигин сор.
- Къайгъыны сюйген, къайгъы табар.
- Чарсда алчыны эл кёреди.
- Сууда джау джокъ, кёб сёзде магъана джокъ.
- Тойгъа барсанг, тоюб бар, эски тонунгу къоюб бар.
- Ёнгкюч къууана барыр, джылай келир.
- Олтуруб кёрюнмей эди да, ёрге туруб кёрюне эди.
- Экеулен сёлеше тура эселе, орталарына барыб кирме.
- Мени джылытмагъан кюн, меннге тиймесин!
- Мухарны эси – ашарыкъда.
- Халкъны джырын джырласанг, халкъ санга эжиу этер.
- Билимден уллу байлыкъ джокъду.
- «Ёгюз, джаргъа джууукъ барма, меннге джюк боллукъса», - дегенди эшек.
- Ат басханны джер билед.
- Кирсизни – саны таза, халалны – къаны таза.
- Адамны аты башхача, акъылы да башхады.
- Ариуну – ауруу кёб.
- Джюрек кёзден алгъа кёрюр.
- Тёрде – темир таякълы, къаяда – чыпчыкъ аякълы.
- Ашхы атаны – джашы ашхы, ашхы ананы – къызы ашхы.
- Ишлемеген – тишлемез.
- Мал тутхан – май джалар.
- Экиндини кеч къылсанг, чабыб джетер ашхам.
- Иги сёз – джаннга азыкъ, аман сёз башха – къазыкъ.
- Ариу сёз – джаннга азыкъ, аман сёз – башха къазыкъ.
- Ауузу бла къуш тута айланады.
- Джаш къарыу бла кючлю, къарт акъыл бла кючлю.
- Къайтырыкъ эшигинги, къаты уруб чыкъма.
- Къуллукъчума, деб махтанма, къуллукъ – хаух джамчыды!
- Байлыкъ болгъан джерде, тынчлыкъ джокъду.
- Окъуусуз билим – джокъ, билимсиз кюнюнг – джокъ.
- Къартха ушагъан джаш – акъыллы, джашха ушагъан къарт – тели.
- Таукел къуру къалмаз.
- Ойнай билмеген, оюн бузар.
- Таш ата билмеген, башына урур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72