- Тешигини къатында, чычхан да батыр болур.
- Намыс болмагъан джерде, насыб болмаз.
- Тили узунну, намысы – къысха.
- Баргъанынга кёре болур келгенинг.
- Нёгер болсанг, тенг бол, тенг болмасанг, кенг бол.
- Байны къызы баймакъ болса да, юйде къалмаз!
- Атлыны кёрсе, джаяуну буту талыр.
- Ач да бол, токъ да бол – намысынга бек бол.
- Айыбны суу бла джууалмазса.
- Айран тёгюлсе, джугъусу къалыр.
- Кёкдеги болмаса, джердегин кёрмейди.
- Ишлегенде эринме, ишде чолакъ кёрюнме.
- Накъырда – кертини келечиси.
- Билими азны – ауузунда кирит.
- Чоюнну башы ачыкъ болса, итге уят керекди.
- Азыкъ аз болса, эртде орун сал.
- Аман киши кеси юйюнде – къонакъ.
- Билмейме деген – бир сёз
- Тёрени джагъы джокъ.
- Ата – баланы уясы.
- Тойгъа алгъа да барма, тойда артха да къалма.
- Таукел къуру къалмаз.
- Ашлыкъ – бюртюкден, джюн – тюкден.
- Илму – джашауну джолу.
- Сёлеш деб шай берген, тохта деб, сом берген.
- Ёзденликни джайгъан – джокълукъ.
- Адам сёзге тынгыла, акъыл сёзню ангыла.
- Окъугъан – асыу, окъумагъан – джарсыу.
- Атлыны ашхысы, ат тизгининден билинир
- Орундукъ тюбюнде атылсам да, орта джиликме, де да айлан.
- Джашны джигитлиги сорулур, къызны джигерлиги сорулур.
- Ётюрюк хапар аякъ тюбю бла джюрюйдю.
- Ойнай билмеген, оюн бузар.
- Аджашханны ызындагъы кёреди, джангылгъанны джанындагъы биледи.
- Азыкълы ат арымаз, къатыны аман джарымаз.
- Кёзню ачылгъаны – иги, ауузну джабылгъаны – иги.
- Тиширыусуз юй – отсуз от джагъа.
- Эркишиге тары кебек танг кёрюнюр.
- Башсыз урчукъ тюзюне айланмаз.
- Джангызны оту джарыкъ джанмаз!
- Чабар ат – джетген къыз.
- Сормай – алма, чакъырылмай – барма.
- Рысхы джалгъанды: келген да этер, кетген да этер.
- Билимден уллу байлыкъ джокъду.
- Адеб этмеген, адеб кёрмез.
- Тик ёргени, тик энгишгеси да болады.
- Рысхы – насыбха къор.
- Аджал соруб келмез, келсе, къайтыб кетмез.
- Къанны къан бла джуума, аманны аман бла къуума.
- Хансыз джомакъ болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72