Эльбрусоид :: Форум :: Архив форумов

Къайтырыкъ эшигинги, къаты уруб чыкъма.
Къралынгы – душмандан, башынгы от бла суудан сакъла.
Джарлыны тону джаз битер.
Аууз сакълагъан – джан сакълар.
Мал ёлсе, сюек къалыр, адам ёлсе, иши къалыр.
Айраннга суу къош, телиге джол бош.
Тойгъа барсанг, тоюб бар, эски тонунгу къоюб бар.
Битмегеннге сакъал – танг.
Адам сёзюнден белгили.
Ач – эснер, ат – кишнер.
Чомарт бергенин айтмаз.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Тюкюрюк баш джармаз, налат кёз чыгъармаз!
Къонакъ аз олтурур, кёб сынар.
Мен да «сен», дейме, сен да «кесим», дейсе.
Аманнга да, игиге да оноусуз къатышма.
Эски джаугъа ышанма.
Айырылмаз джууугъунга, унутмаз сёзню айтма.
Бети къызарыучу адамны, джюреги харам болмаз.
Суу ичген шауданынга тюкюрме.
Эл тойса, тоймагъан, эл къойса, къоймагъан.
Чомартны къолун джокълукъ байлар.
Джырчы ёлсе, джыры къалыр.
Тил – миллетни джаны.
Байлыкъ тауусулур, билим тауусулмаз.
Кёл – къызбай, къол – батыр.
Къатыны харакетли болса, эри къымсыз болур.
Джюрек кёзден алгъа кёрюр.
Ачыу алгъа келсе, акъыл артха къалады.
Эшекни не къадар тюйсенг да, ат болмаз.
Нёгерсизни джолу узун.
Хунаны тюбюн къазсанг, юсюнге ауар.
Кесине гебен этелмеген, биреуге черен эте эди.
Сабий болмагъан джерде, мёлек болмаз.
Ушамагъан – джукъмаз.
Иги сёз – джаннга азыкъ, аман сёз башха – къазыкъ.
Сакъламагъан затынга джолукъсанг, не бек къууанаса, не бек ачыйса.
Ойнаб айтсанг да, эслеб айт.
Къонакъны къачан кетерин сорма, къачан келлигин сор.
Дуния мал дунияда къалады.
Ашын ашагъанынгы, башын да сыйла.
Эри аманны, къатыны – аман.
Къызны минг тилер, бир алыр.
Билмезни кёзю кёрмез, этмезни къулагъы эшитмез.
Къарнынг бла ёч алма.
Ётген ёмюр – акъгъан суу.
Кёбню кёрген – кёб билир.
Ариу сёз джыланны орнундан чыгъарыр.
Уясында не кёрсе, учханында аны этер.
Къолунгдан къуймакъ ашатсанг да, атаны борчундан къутулмазса.

Логин:
Пароль:
	Запомнить меня на этом компьютере

Забыли свой пароль?
Регистрация