Эльбрусоид :: Форум :: Архив форумов

Байлыкъ адамны сокъур этер.
Джырчы ёлсе, джыры къалыр.
Ариуну – ауруу кёб.
Ата Джуртун танымагъан, атасын да танымаз.
Ашхы тенг джолгъа салыр, аман тенг джолдан тайдырыр.
Ашлыкъ – бюртюкден, джюн – тюкден.
Гугук кесини атын айтыб къычыргъанча, мен, мен деб нек тураса?
Арыгъан къош чамчы болур.
Атлыны кёрсе, джаяуну буту талыр.
Уллу айтханны этмеген – уллаймаз.
Мал ёлсе, сюек къалыр, адам ёлсе, иши къалыр.
Суу ичген шауданынга тюкюрме.
Джаш къарыу бла кючлю, къарт акъыл бла кючлю.
Кеси юйюмде мен да ханма.
Ашаса, ашамаса да, бёрюню ауузу – къан.
Джылыгъа джылан илешир.
Тиширыусуз юй – отсуз от джагъа.
Ишин билген, аны сыйын чыгъарады.
Ышармагъан – кюлмез, кюлмеген – къууанчны билмез.
Юре билмеген ит, къонакъ келтирир.
Бек анасы джыламаз.
Къаллай салам берсенг, аллай джууаб алырса.
Адеби болмагъан къыз – тузсуз хант.
Ётюрюкчюню шагъаты – къатында.
Сютню башын джалагъан къутулур, тюбюн ичген тутулур.
Адамгъа аман кюн соруб келмейди.
Мухарны эси – ашарыкъда.
Чомартны къолу берекет.
Ёлген эшек бёрюден къоркъмайды.
Алтыда кюлмеген, алтмышда кюлмез.
Ишленмеген джаш – джюгенсиз ат, ишленмеген къыз – тузсуз хант.
Биреуню тёрюнден, кесинги эшик артынг игиди.
От кюйдюрген, сау болса да, тот кюйдюрген, сау болмаз.
Ёлген аслан – сау чычхан.
Суугъа – таянма, джаугъа – ийнанма.
Джарлы эскисин джамаса, къууаныр.
Сабий кёргенин унутмаз.
Иги болса, тамадама – махтау, аман болса, меннге – айыб.
Къазанны башы ачыкъ болса, итге уят керекди.
Нарт сёз къарт болмаз.
Адам сёзге тынгыла, акъыл сёзню ангыла.
Адам къыйынлыгъын кёлтюрюр, зауукълугъун кёлтюрмез.
Тил бла келеди джыр да.
Аууздан келген, къолдан келсе, ким да патчах болур эди.
Ач да бол, токъ да бол – намысынга бек бол.
Азыкълы ат арымаз, къатыны аман джарымаз.
Къонакъ хазыр болгъанлыкъгъа, къонакъбай хазыр тюлдю.
Элиб деген, элге болушур.
Азыгъы аз, алгъа къабар, аты аман, алгъа чабар.
Юй кюйдю да, кюйюз чыкъды, ортасындан тюйюш чыкъды.

Логин:
Пароль:
	Запомнить меня на этом компьютере

Забыли свой пароль?
Регистрация