- Ёгюзню мюйюзюнден тутадыла, адамны сёзюнден тутадыла.
- Мал ёлсе, сюек къалыр, адам ёлсе, иши къалыр.
- Эки ойлашыб, бир сёлешген.
- Бир онгсуз адам адет чыгъарды, деб эштирик тюлсе.
- Билим къая тешер.
- Чакъырылмагъан къонакъ тёрге атламаз.
- Чомарт бергенин айтмаз.
- Кёбню кёрген – кёб билир.
- Итли къонакъ джарашмаз.
- Байлыкъ келсе, акъыл кетер.
- Кеси юйюмде мен да ханма.
- Тюзлюк шохлукъну бегитир.
- Таш ата билмеген, башына урур.
- Ётюрюк хапар аякъ тюбю бла джюрюйдю.
- Къатын къылыкъсыз, эр тынчлыкъсыз.
- Къалгъан ишге къар джауар.
- Эр сокъур болсун, къатын тилсиз болсун.
- Адамны аты башхача, акъылы да башхады.
- Къартха ушагъан джаш – акъыллы, джашха ушагъан къарт – тели.
- Тилчи тилден къаныкъмаз.
- Аш кетер да бет къалыр.
- Абынмазлыкъ аякъ джокъ, джангылмазлыкъ джаякъ джокъ.
- Къарт болгъан джерде, берекет болур, сабий болгъан джерде, оюн болур.
- Адеб базарда сатылмаз.
- Ачылгъан эт джабылыр, кёрген кёз унутмаз.
- Ана – юйню кюн джарыгъы.
- Сёз садакъдан кючлюдю.
- Суугъа – таянма, джаугъа – ийнанма.
- Аман эсирсе, юйюн ояр.
- Суугъа – чабакъ, къаягъа – ыргъакъ.
- Сютню башын джалагъан къутулур, тюбюн ичген тутулур.
- «Ма», - дегенни билмесенг, «бер», - дегенни билмезсе.
- Таукел адам тау тешер.
- Хантына кёре тузу, юйюне кёре къызы.
- Къонагъынгы артмагъын алма да, алгъышын ал.
- Ишлегенден, къарагъан уста.
- Ашхы – джыяр, аман – джояр.
- Чакъырылмай келген къонакъ сыйланмай кетер.
- Тилсиз миллет джокъ болур.
- Ана къойну – балагъа джандет.
- Ёлген эшек бёрюден къоркъмайды.
- Келлик заман – къартлыкъ келтирир, кетген заман – джашлыкъ ёлтюрюр.
- Джолда аягъынга сакъ бол, ушакъда тилинге сакъ бол.
- Аманнга алтын чыдамаз.
- Элге къуллукъ этмеген, элге ие болмаз.
- Азыкъ аз болса, эртде орун сал.
- Айырылгъанланы айю ашар, бёлюннгенлени бёрю ашар.
- Экеулен сёлеше тура эселе, орталарына барыб кирме.
- Айтхан – тынч, этген – къыйын.
- Ёнгкюч къууана барыр, джылай келир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72