- Ариу сёз аурууунгу алыр.
- Бетинги сатма, малынгы сат.
- Кютгени беш эчки, сызгъыргъаны уа, джерни джарады.
- Къая джолда джортма, ачыкъ сёзден къоркъма.
- Арыгъан къош чамчы болур.
- Тёгюлген тюгел джыйылмайды.
- Нарт сёз – тилни бети.
- Къатын къылыкъсыз, эр тынчлыкъсыз.
- Суугъа – чабакъ, къаягъа – ыргъакъ.
- Ата джурт – алтын бешик.
- Тил – миллетни джаны.
- Ата – баланы уясы.
- Байма, деб да, къууанма, джарлыма, деб да, джылама.
- Ётюрюкню башын керти кесер.
- Миллетни бойну – базыкъ, аны бла кюрешген – джазыкъ.
- Къолу уллу – асыу, аягъы уллу – джарсыу.
- Шайтан алдады, тюзлюк къаргъады.
- Нафысынгы айтханын этме, намысынгы айтханын эт.
- Аш хазыр болса, иш харам болур.
- Эркишини аманы тиширыуну джылатыр.
- Джарлы тюеге минсе да, ит къабар.
- Уясында не кёрсе, учханында аны этер.
- Чёбню кёлтюрсенг, тюбюнден сёз чыгъар.
- Юй кюйдю да, кюйюз чыкъды, ортасындан тюйюш чыкъды.
- Къонакъ кёб келюучю юйню, къазаны отдан тюшмез.
- Бети къызарыучу адамны, джюреги харам болмаз.
- Аманнга игилик этсенг, юйюнге сау бармазса.
- Кёрмегеннге кебек – танг, битмегеннге сакъал – танг.
- Кёзден кетген, кёлден да кетеди.
- Кёб къычыргъандан – къоркъма, тынч олтургъандан – къоркъ.
- Тойчу джашха къарама, къойчу джашха къара.
- Кирсизни – саны таза, халалны – къаны таза.
- Ёгюзню мюйюзлери ауурлукъ этмейдиле.
- Адеб базарда сатылмаз.
- Къайгъы тюбю – тенгиз.
- Сёлеш деб шай берген, тохта деб, сом берген.
- Акъыллы айтыр эди, акъылсыз къоймайды.
- Къозулугъунда тоймагъан, къойлугъунда тоймаз.
- Кёзю сокъурдан – къоркъма, кёлю сокъурдан – къоркъ.
- Къартны сыйын кёрмеген, къартлыгъында сыйлы болмаз.
- Элни кючю – эмеген.
- Билими азны – ауузунда кирит.
- Таукелге нюр джауар.
- Шапа кёб болса, аш татымсыз болур.
- Эллинг бла джау болсанг да, юйюнг бла джау болма.
- Терек ауса, отунчу – кёб.
- Сангырау къулакъ эл бузар.
- Ана къолу ачытмаз.
- Чакъырылмай келген къонакъ сыйланмай кетер.
- Джарлыны эшигин махтагъан джабар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72