- Сакъ юйюне сау барыр.
- Тилсиз миллет джокъ болур.
- Чарсда алчыны эл кёреди.
- Татлы тилде – сёз ариу, чемер къолда – иш ариу.
- Къалгъан ишге къар джауар.
- Душманны тышы – акъ, ичи – къара.
- Къан бла кирген, джан бла чыгъар.
- Тюзню ётмеги тюзде къалса да, тас болмаз.
- Арбаз къынгырды да, ийнек сауалмайма.
- Ашыкъгъанны этеги бутуна чырмалыр.
- Аджашхан тёгерек айланыр.
- Къайгъыны сюйген, къайгъы табар.
- Бек анасы джыламаз.
- Айыбны суу бла джууалмазса.
- Тёзген – тёш ашар!
- Ойнай билмеген, уруб къачар.
- Ойнай билмеген, оюн бузар.
- Къазанны башы ачыкъ болса, итге уят керекди.
- Джашынгы кесинг юретмесенг, джашау юретир.
- Акъыллы башны – тили къысха.
- Ойнаб айтсанг да, эслеб айт.
- Ёлмесенг да, къарт дамы болмазса?
- Акъыллы айтыр эди, акъылсыз къоймайды.
- Ойнай-ойнай кёз чыгъар.
- Байлыкъ тауусулур, билим тауусулмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Акъыллы эркиши атын махтар, акъылсыз эркиши къатынын махтар.
- Тойгъан антын унутур.
- Джырчы джырчыгъа – къарнаш.
- Огъурлуну сёзю – суу, огъурсузну сёзю – уу.
- Джырына кёре эжиую.
- Адам боллукъ, атламындан белгили болур.
- Баланы адам этген анады.
- Уллу атлама – абынырса, уллу къабма – къарылырса.
- Эм ашхы къайын ана мамукъ бла башынгы тешер.
- Айтхан сёзюне табылгъан.
- Берекет берсин деген джерде, берекет болур.
- Айырылгъанланы айю ашар, бёлюннгенлени бёрю ашар.
- Чабакъгъа акъыл, табагъа тюшсе келеди.
- Эли джокъну – кёлю джокъ.
- Ариу сёз аурууунгу алыр.
- Нёгерсизни джолу узун.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Таш бла ургъанны, аш бла ур.
- Чомартха хар кюн да байрамды.
- Джаш болсун, къыз болсун, акъылы, саны тюз болсун.
- Кийим тукъум сордурур.
- Джолда аягъынга сакъ бол, ушакъда тилинге сакъ бол.
- Ариуну – ауруу кёб.
- Ач къалгъандан, кеч къалгъан къолай.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72