- Бети къызарыучу адамны, джюреги харам болмаз.
- Билмейме деген – бир сёз
- Кёрмегеннге кебек – танг, битмегеннге сакъал – танг.
- Тёрени джагъы джокъ.
- «Ма», - дегенни билмесенг, «бер», - дегенни билмезсе.
- Сабийни джумушха джибер да, ызындан бар.
- Рысхы – сют юсюнде кёмюк кибикди.
- Уруну арты – къуру.
- Ашлыкъны арба юйге келтирир, чана базаргъа элтир.
- Эркишини аманы тиширыуну джылатыр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къобан да къуру да къобханлай турмайды, адам да къуру да патчахлай турмайды.
- От кюйдюрген, сау болса да, тот кюйдюрген, сау болмаз.
- Акъдан къара болмаз.
- Хар ишни да аллы къыйынды.
- Баш – акъыл ючюн, акъылман – халкъ ючюн.
- Ата Джуртуму башы болмасам да, босагъасында ташы болайым.
- Уллу къазанда бишген эт, чий къалмаз.
- Байлыкъ келсе, акъыл кетер.
- Нёгер болсанг, тенг бол, тенг болмасанг, кенг бол.
- Къарт болгъан джерде, берекет болур, сабий болгъан джерде, оюн болур.
- Юйюнг бла джау болгъандан эсе, элинг бла джау бол.
- Къайгъыны сюйген, къайгъы табар.
- Ач бёрюге мекям джокъ.
- Аджалсыз ёлюм болмаз.
- Къонакъны къачан кетерин сорма, къачан келлигин сор.
- Акъыллы эркиши атын махтар, акъылсыз эркиши къатынын махтар.
- Ашхы сёз таш тешер.
- Хатерли къул болур.
- Эм ашхы къайын ана мамукъ бла башынгы тешер.
- Эки элинги тыйсанг, джети элде махталырса.
- Атадан ёксюз – бир ёксюз, анадан ёксюз – эки ёксюз.
- Джаш болсун, къыз болсун, акъылы, саны тюз болсун.
- Иги джашны ышаны – аз сёлешиб, кёб тынгылар.
- Чыкълы кюнде чыкъмагъан, чыкъса къуру кирмеген.
- Эринчекге кюн узун.
- Ариу сёз – къылычдан джити.
- Накъырда – кертини келечиси.
- Гугурук къычырмаса да, тангны атары къалмаз.
- Тау башында, тау болмаз, джангыз терек, бау болмаз.
- Ханнга да келеди хариблик.
- Аш иеси бла татлыды.
- Аш берме да, къаш бер.
- Ана – юйню кюн джарыгъы.
- Тулпарлыкъ, билекден тюл – джюрекден.
- Билмезни кёзю кёрмез, этмезни къулагъы эшитмез.
- Къулакъдан эсе, кёзге ышан.
- Джашны джигитлиги сорулур, къызны джигерлиги сорулур.
- Таякъ этден ётер, тил сюекден ётер.
- Ариу сёзде ауруу джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72