- Башланнган иш битер, къымылдагъан тиш тюшер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тамбла алтындан бюгюн багъыр ашхы.
- Иги сеники эсе да, сюйген кесимикин этеме.
- Иши джокъну, сыйы джокъ.
- Джылкъыдан – ат чыгъар, тукъумдан – джаш чыгъар.
- Сангырау къулакъ эл бузар.
- Ач – эснер, ат – кишнер.
- Тенгни тенглиги джашай барсанг билинир.
- Атынг аманнга чыкъгъандан эсе, джанынг тамагъынгдан чыкъсын.
- Тас болгъан бычакъны сабы – алтын.
- Байма, деб да, къууанма, джарлыма, деб да, джылама.
- Биреуню къыйынлыгъы бла кесинге джол ишлеме.
- Ачыу алгъа келсе, акъыл артха къалады.
- Уллу суу бла уллу ауруудан башынгы сакъла.
- Нарт сёз къарт болмаз.
- Игиге айтсанг – билир, аманнга айтсанг – кюлюр.
- Айранын берсенг, челегин да къызгъанма.
- Биреуню тёрюнден, кесинги эшик артынг игиди.
- Илму – джашауну джолу.
- Алгъанда – джууукъ, бергенде – джау.
- Чабар ат – джетген къыз.
- Адам къыйынлыгъын кёлтюрюр, зауукълугъун кёлтюрмез.
- Таш бла ургъанны, аш бла ур.
- Чомартха Тейри да борчлуду.
- Сакъ юйюне сау барыр.
- Адебсиз адам – джюгенсиз ат.
- Ана кёлю – балада, бала кёлю – талада.
- Къолу уллу – асыу, аягъы уллу – джарсыу.
- Тешик этген тынчды, аны джамагъан къыйынды.
- Рысхы – насыбха къор.
- Окъугъан – асыу, окъумагъан – джарсыу.
- Адамны джюреги нени кёрюрге сюйсе, кёзю да аны кёрюрге ёч болады.
- Орну джокъну – сыйы джокъ.
- Ариуну – ауруу кёб.
- Бюгюн дуния кибик, тамбла ахыратды.
- Азыкъ аз болса, эртде орун сал.
- Аджаллыгъа окъсуз шкок атылыр.
- Атадан ёксюз – бир ёксюз, анадан ёксюз – эки ёксюз.
- Къартны сыйын кёрмеген, къартлыгъында сыйлы болмаз.
- Айырылгъанланы айю ашар, бёлюннгенлени бёрю ашар.
- Юй кюйдю да, кюйюз чыкъды, ортасындан тюйюш чыкъды.
- Кёл ашады да, кеси ашады.
- Ата джурт – алтын бешик.
- Аман эсирсе, юйюн ояр.
- Къайтырыкъ эшигинги, къаты уруб чыкъма.
- Кийимни бир кюнню аясанг, минг кюннге джарар.
- Кийимни бичсенг, кенг бич, тар этген къыйын тюлдю.
- Эл ауузу – элек, анга ийнаннган – халек.
- Таукел адам тау тешер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72