- Чомарт бергенин айтмаз.
- Алтыда кюлмеген, алтмышда кюлмез.
- Адамны адамлыгъы къыйынлыкъда айгъакъланады.
- Чабакъсыз кёлге къармакъ салгъанлыкъгъа, чабакъ тутмазса.
- Арбаз къынгырды да, ийнек сауалмайма.
- Сагъышы джокъ – джукъучу, акъылы джокъ – къаугъачы.
- Ашына кёре табагъы, балына кёре къалагъы.
- Аманнга игилик этсенг, юйюнге сау бармазса.
- Джырчы джырчыгъа – къарнаш.
- Аууздан келген, къолдан келсе, ким да патчах болур эди.
- Эл тойса, тоймагъан, эл къойса, къоймагъан.
- Кесине оноу эте билмеген, халкъына да эте билмез.
- Джюрекге ариу – кёзге да ариу.
- Шапа кёб болса, аш татымсыз болур.
- Биреу къой излей, биреу той излей.
- Окъугъан – асыу, окъумагъан – джарсыу.
- Суу кетер, таш къалыр.
- Ашаса, ашамаса да, бёрюню ауузу – къан.
- Аш иеси бла татлыды.
- Аманны къуугъан, аманлыкъ табар.
- Ёлюк кебинсиз къалмаз.
- Аякъларынгы джууургъанынга кёре узат.
- Акъыл аздырмаз, билим тоздурмаз.
- Джиби бир къат джетмей эди да, эки къат тарта эди.
- Терек ауса, отунчу – кёб.
- Накъырданы арты керти болур.
- Ат да турмайды бир териде.
- Хоншуну тауугъу къаз кёрюнюр, келини къыз кёрюнюр.
- Сормай – алма, чакъырылмай – барма.
- Биреуню тёрюнден, кесинги эшик артынг игиди.
- Кенгеш болса, уруш болмаз.
- Кюн – узун, ёмюр – къысха.
- Ариу сёз – джаннга азыкъ, аман сёз – башха къазыкъ.
- Джогъун бар этген, барын бал этген.
- Къонакъ аз олтурур, кёб сынар.
- Татлы сёз – балдан татлы.
- Байлыкъ келсе, акъыл кетер.
- Айырылгъанланы айю ашар, бёлюннгенлени бёрю ашар.
- Дуния малгъа сатылма, кесингден телиге къатылма.
- Кёрмегеннге кебек – танг, битмегеннге сакъал – танг.
- Уллу айтханны этмеген – уллаймаз.
- Бозаны арты дауур болур.
- Элиб деген, элге болушур.
- Джумушакъ сёз къаты таякъны сындырыр.
- Сабийни джумушха джибер да, ызындан бар.
- Мухарны эси – ашарыкъда.
- Тура эдим джата, къайдан чыкъды хата?
- Ач отунчуну ачыуу – бурнунда.
- Ашхы тенг джолгъа салыр, аман тенг джолдан тайдырыр.
- Эски джаугъа ышанма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72