- Тешик этген тынчды, аны джамагъан къыйынды.
- Чабакъ башындан чирийди.
- Биреуню эскиси биреуге джангы болмайды.
- Шайтан алдады, тюзлюк къаргъады.
- Кёбге таш атма.
- Кечеси – аяз, кюню – къыш, джарлы къаргъагъа бир аш тюш!
- Къарны аманнга къазан такъдырма, къолу аманнга от джакъдырма.
- Уллу сёлешме да, уллу къаб.
- Татлы сёз – балдан татлы.
- Насыб бютеу халкъны юлюшюдю.
- Иги адамны бир сёзю эки болмаз.
- Эринчекни аурууу – кёб.
- Тилчи тилден къаныкъмаз.
- Тамбла алтындан бюгюн багъыр ашхы.
- Бюгюн дуния кибик, тамбла ахыратды.
- Ишлемеген – тишлемез.
- Керек ташны ауурлугъу джокъ.
- Телиге от эт десенг, юйюнге от салыр.
- Къазанчы аман болса, къазаны къайнамаз.
- Эски джаугъа ышанма.
- Босагъа таш юйге кирмей эди, тыбыр таш эшикге чыкъмай эди.
- «Ёгюз, джаргъа джууукъ барма, меннге джюк боллукъса», - дегенди эшек.
- Ханы къызы буюгъа-буюгъа киштик болду.
- Тилсиз миллет джокъ болур.
- Аууз сакълагъан – джан сакълар.
- Джарлы тюеге минсе да, ит къабар.
- Джиби бир къат джетмей эди да, эки къат тарта эди.
- Биреу къой излей, биреу той излей.
- Нафысынгы айтханын этме, намысынгы айтханын эт.
- Этим кетсе да, сюегим къалыр.
- Кийимни бир кюнню аясанг, минг кюннге джарар.
- Ойнай билмеген, уруб къачар.
- Тёгюлген тюгел джыйылмайды.
- Бек ашыкъгъан меннге джетсин, дегенди аракъы.
- Ишни ахырын ойламай, аллын башлама.
- Иги болса, тамадама – махтау, аман болса, меннге – айыб.
- Адам къаллай бир ишленмесе, аллай бир кесин уллу кёреди.
- Иги сеники эсе да, сюйген кесимикин этеме.
- Джангыз торгъай джырламаз.
- Ач къарынны, токъ билмез
- Ауругъан – джашаудан умутчу.
- Джаш къарыу бла кючлю, къарт акъыл бла кючлю.
- Къалгъан ишге къар джауар.
- Акъыл аздырмаз, билим тоздурмаз.
- Кёзюнде тереги болгъан, чёбю болгъаннга кюле эди.
- Огъурлуну сёзю – суу, огъурсузну сёзю – уу.
- Къонагъынгы артмагъын алма да, алгъышын ал.
- Элге къуллукъ этмеген, элге ие болмаз.
- Чомарт бергенин айтмаз.
- Ашатыргъа иш – ашхы, ишлетирге аш – ашхы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72