- Джашынгы кесинг юретмесенг, джашау юретир.
- Садакъачыны джаны – къапчыгъында.
- Адеб этмеген, адеб кёрмез.
- Къууут – джелге, берне – бошха.
- Минг тенг да азды, бир джау да кёбдю.
- Къазанны башы ачыкъ болса, итге уят керекди.
- Къарнынг ауруса, ауузунгу тый
- Уллу суу бла уллу ауруудан башынгы сакъла.
- Уллу сёзде уят джокъ.
- Таш бла ургъанны, аш бла ур.
- Ышармагъан – кюлмез, кюлмеген – къууанчны билмез.
- Билген билмегенни юретген адетди.
- Айныгъанлы алты кюн, тогъайгъанлы тогъуз кюн.
- Мал ёлсе, сюек къалыр, адам ёлсе, иши къалыр.
- Кенгеш болса, уруш болмаз.
- Олтуруб кёрюнмей эди да, ёрге туруб кёрюне эди.
- Ишлегенден, къарагъан уста.
- Нарт сёз къарт болмаз.
- Джаш болсун, къыз болсун, акъылы, саны тюз болсун.
- Къуллукъчума, деб махтанма, къуллукъ – хаух джамчыды!
- Суу да къайтады чыкъгъан джерине.
- Иги болса, тамадама – махтау, аман болса, меннге – айыб.
- Сёз къанатсыз учар.
- Чомартны къолун джокълукъ байлар.
- Орундукъ тюбюнде атылсам да, орта джиликме, де да айлан.
- Эрине къаргъыш этген къатын, эрнин къабар.
- Къатын байлыкъны сюер, эр саулукъну сюер.
- Рысхы джалгъанды: келген да этер, кетген да этер.
- Ариу сёз – джаннга азыкъ, аман сёз – башха къазыкъ.
- Ишни ахырын ойламай, аллын башлама.
- Намысы джокъну – дуниясы джокъ.
- Къанны къан бла джуума, аманны аман бла къуума.
- Иги джашны ышаны – аз сёлешиб, кёб тынгылар.
- Окъугъанны бети джарыкъ.
- Джаз бир кюнню джатсанг, къыш талай кюнню абынырса.
- Адам туугъан джеринде, ит тойгъан джеринде.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къарнынг къанлынга кийирир.
- Мадар болса, къадар болур.
- Кёзден кетген, кёлден да кетеди.
- Джангызны оту джарыкъ джанмаз!
- Эл тойса, тоймагъан, эл къойса, къоймагъан.
- Акъыл неден да кючлюдю.
- Ишге юренсин къоллары, халкъ бла болсун джоллары.
- Бёрю да ач къалмасын, эчки да ашалмасын.
- Къарт айтханны этмеген, къартаймаз.
- Тиширыусуз юй – отсуз от джагъа.
- Айраннга суу къош, телиге джол бош.
- Махтаннган къыз, тойда джукълар.
- Кесинг сынамагъан затны, адамгъа буюрма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72