Эльбрусоид :: Форум :: Архив форумов

Ханы къызы буюгъа-буюгъа киштик болду.
Тура эдим джата, къайдан чыкъды хата?
Азыгъы аз, алгъа къабар, аты аман, алгъа чабар.
Аман киши кеси юйюнде – къонакъ.
Иги болса, тамадама – махтау, аман болса, меннге – айыб.
Къалгъан ишге къар джауар.
Арыгъан къош чамчы болур.
Аманнга да, игиге да оноусуз къатышма.
Юреннген ауруу къалмаз.
Къуру гыбыт бек дыгъырдар.
Ариу сёзде ауруу джокъ.
Сабыр джетер муратха, сабырсыз къалыр уятха.
Адеби болмагъан къыз – тузсуз хант.
Тамчы таш тешер.
Мен да «сен», дейме, сен да «кесим», дейсе.
Зарда марда джокъ.
Кёбден умут этиб, аздан къуру къалма.
Намыс болмагъан джерде, насыб болмаз.
Мухарны эси – ашарыкъда.
Ишленмеклик адамлыкъды.
Къарнынг ауруса, ауузунгу тый
Ишлемеген – тишлемез.
Ёлген эшек бёрюден къоркъмайды.
Бал – татлы, балдан да бала – татлы.
Ауругъаннга – кийик саулукъ, джетген къызгъа – чилле джаулукъ.
Бет бетге къараса, бет да джерге къарар.
Ёлген аслан – сау чычхан.
Магъанасыз сёз – тауушсуз сыбызгъы.
Джерни букъусу кёкге къонмаз.
Айыбны суу бла джууалмазса.
Адам туугъан джеринде, ит тойгъан джеринде.
Акъыл къартда, джашда тюйюлдю – башдады.
Хантына кёре тузу, юйюне кёре къызы.
Сёлеш деб шай берген, тохта деб, сом берген.
Адамны аты башхача, акъылы да башхады.
Аджашхан тёгерек айланыр.
Хатерли къул болур.
Иги бла джюрюсенг, джетерсе муратынга, аман бла джюрюсенг, къалырса уятха.
Къонакъ кёб келюучю юйню, къазаны отдан тюшмез.
Тенгни тенглиги джашай барсанг билинир.
Акъдан къара болмаз.
Къайтырыкъ эшигинги, къаты уруб чыкъма.
Таш ата билмеген, башына урур.
Тамырсыз терекге таянма – джыгъылырса.
Джюз элде джюз ёгюзюм болгъандан эсе, джюз джууугъум болсун.
Кёзден кетген, кёлден да кетеди.
Суугъа – чабакъ, къаягъа – ыргъакъ.
Ауузу бла къуш тута айланады.
Ариу сёз – къылычдан джити.
Сакъламагъан затынга джолукъсанг, не бек къууанаса, не бек ачыйса.

Логин:
Пароль:
	Запомнить меня на этом компьютере

Забыли свой пароль?
Регистрация