- Арба аугъандан сора, джол кёргюзтюучю кёб болур.
- Къазанны башы ачыкъ болса, итге уят керекди.
- Кёл – къызбай, къол – батыр.
- Тин – байлыгъынг, терен саулугъунг.
- Къуллукъчума, деб махтанма, къуллукъ – хаух джамчыды!
- Башы ишлегенни, ауузу да ишлер.
- Къызны минг тилер, бир алыр.
- Байма, деб да, къууанма, джарлыма, деб да, джылама.
- Бозанг болмагъан джерге, къалагъынгы сукъма.
- Уллу къазанда бишген эт, чий къалмаз.
- Урунуу – насыбны анасы.
- Суу да къайтады чыкъгъан джерине.
- Чомартны къолун джокълукъ байлар.
- Ариу сёз джыланны орнундан чыгъарыр.
- Эски джаугъа ышанма.
- Къатыны харакетли болса, эри къымсыз болур.
- Къаллай салам берсенг, аллай джууаб алырса.
- Хунаны тюбюн къазсанг, юсюнге ауар.
- Джан саулукъ бермей, сан саулукъ бермезсе.
- Аманны тукъумуна къарама, игини тукъумун сорма.
- Айтылгъан сёз ызына къайтмаз.
- Ашын ашагъанынгы, башын да сыйла.
- Тамчы таш тешер.
- Тюз сёз баргъан сууну тыяр.
- Кёб джашагъан – кёб билир.
- Иги – алгъыш этер, аман – къаргъыш этер.
- Чакъырылмагъан къонакъ – орунсуз.
- Намысы болмагъанны, сыйы болмаз.
- Гугук кесини атын айтыб къычыргъанча, мен, мен деб нек тураса?
- Эки къатын алгъанны къулагъы тынгнгаймаз.
- Къошда джокъгъа – юлюш джокъ.
- Кесине оноу эте билмеген, халкъына да эте билмез.
- Эл бла кёргенинг эрелей.
- Байлыкъдан саулукъ ашхыды.
- Ёлген эшек бёрюден къоркъмайды.
- Эркиши – от, тиширыу – суу.
- Адамны аманы адамны бети бла ойнар.
- Мал кёб болса, джууукъ кёб болур.
- Керек ташны ауурлугъу джокъ.
- Таякъ этден ётер, тил сюекден ётер.
- Баш болса, бёрк табылыр.
- Тилсиз миллет джокъ болур.
- Суу кетер, таш къалыр.
- Айыбны суу бла джууалмазса.
- Олтуруб кёрюнмей эди да, ёрге туруб кёрюне эди.
- Эр сокъур болсун, къатын тилсиз болсун.
- Кёзюнде тереги болгъан, чёбю болгъаннга кюле эди.
- Эрни эр этерик да, къара джер этерик да, тиширыуду.
- Аш берме да, къаш бер.
- «Ёгюз, джаргъа джууукъ барма, меннге джюк боллукъса», - дегенди эшек.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72