- Азыгъы аз, алгъа къабар, аты аман, алгъа чабар.
- Къатын къылыкъсыз, эр тынчлыкъсыз.
- Бюгюн дуния кибик, тамбла ахыратды.
- Джаханимни кёрмей, джандетге кёл салмазса.
- Къумурсхала джыйылсала, пилни да джыгъадыла.
- Къартха ушагъан джаш – акъыллы, джашха ушагъан къарт – тели.
- Джетген къыз джерли эшекни танымаз.
- Сёз – кюмюш, джыр – алтын.
- Аджалсыз ёлюм болмаз.
- Чабар ат – джетген къыз.
- Кёзден кетген, кёлден да кетеди.
- Акъыл къартда, джашда тюйюлдю – башдады.
- Оюмсуз атлагъан, аджалсыз ёлюр.
- Ач къалгъандан, кеч къалгъан къолай.
- Джигер – джаннга къыйынлыкъ.
- Ачылгъан эт джабылыр, кёрген кёз унутмаз.
- Мухардан ач ычхынмаз.
- Кёл – къызбай, къол – батыр.
- Чабакъ башындан чирийди.
- Бермеген къол, алмайды.
- Аджаллыгъа окъсуз шкок атылыр.
- Эски джаугъа ышанма.
- Билмейме деген – бир сёз
- Тойгъа алгъа да барма, тойда артха да къалма.
- Ким бла джюрюсенг, аны кёзю бла кёрюнюрсе.
- Къазанны башы ачыкъ болса, итге уят керекди.
- Ойнай билмеген, уруб къачар.
- Тилсиз миллет джокъ болур.
- Сабийни джумушха джибер да, ызындан бар.
- Джарлыны эшигин махтагъан джабар.
- Билимли ёлмез, билимсиз кёрмез.
- Келлик заман – къартлыкъ келтирир, кетген заман – джашлыкъ ёлтюрюр.
- Аджал соруб келмез, келсе, къайтыб кетмез.
- Кенгеш болса, уруш болмаз.
- Эки къатын алгъан – эки ташны ортасына башын салгъан.
- Кечеси – аяз, кюню – къыш, джарлы къаргъагъа бир аш тюш!
- Сакъ юйюне сау барыр.
- Керек ташны ауурлугъу джокъ.
- Татлы тилде – сёз ариу, чемер къолда – иш ариу.
- Тилчи бир сагъатха айлыкъ хата этер.
- Ётюрюкчюню шагъаты – къатында.
- Гитче джилтин уллу элни джандырыр.
- Адамны бетине къарама, адетине къара.
- Сёз сёзню айтдырыр.
- Эри аманны, къатыны – аман.
- Тёрде – темир таякълы, къаяда – чыпчыкъ аякълы.
- Рысхысына кёре, джаш ёсер, къышлыгъына кёре, мал ёсер.
- Джолда аягъынга сакъ бол, ушакъда тилинге сакъ бол.
- Кесинге джетмегенни, кёб сёлешме.
- Суу ичген шауданынга тюкюрме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72