- Адеби болмагъан къыз – тузсуз хант.
- Джети тилни билген джети кишиди.
- Эркишини аманы тиширыуну джылатыр.
- Джылар джаш, атасыны сакъалы бла ойнар.
- Малны кют, джерни тюрт.
- Ач да бол, токъ да бол – намысынга бек бол.
- Аджашхан тёгерек айланыр.
- Ётюрюкню башын керти кесер.
- Бети бедерден, намыс сакълама.
- Иши джокъну, сыйы джокъ.
- Ачлыкъ отха секиртир.
- Биреу ашаб къутулур, биреу джалаб тутулур.
- Сабийликде юретмесенг, уллу болса – тюзелмез.
- Агъач халкъгъа алтынды, иссиликге салкъынды.
- Ачыкъ джюрекге джол – ачыкъ.
- Ёлген ийнек сютлю болур.
- Акъыл сабырлыкъ берир.
- Арбаз къынгырды да, ийнек сауалмайма.
- Ашатыргъа иш – ашхы, ишлетирге аш – ашхы.
- Уллу суу бла уллу ауруудан башынгы сакъла.
- Ётюрюк хапар аякъ тюбю бла джюрюйдю.
- Тойну къарнашы – харс, джырны къарнашы – эжиу.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джаралыны джастыгъында сау ёлюр.
- Мадар болса, къадар болур.
- Аджаллыгъа окъсуз шкок атылыр.
- Билимсиз иш бармаз.
- Ашхы сёз таш тешер.
- Сабий кёргенин унутмаз.
- Орундукъ тюбюнде атылсам да, орта джиликме, де да айлан.
- Садакъачыны джаны – къапчыгъында.
- Атлыны кёрсе, джаяуну буту талыр.
- Адам боллукъ, атламындан белгили болур.
- Шапа кёб болса, аш татымсыз болур.
- Чомартха хар кюн да байрамды.
- Юреннген ауруу къалмаз.
- Къонакъ кёб келюучю юйню, къазаны отдан тюшмез.
- Ана – юйню кюн джарыгъы.
- Терслик кетер, тюзлюк джетер.
- Тёзген – тёш ашар!
- Адамны аманы адамны бети бла ойнар.
- Ургъан суудан башынгы сакъла.
- Ауругъанны сау билмез, ач къарынны токъ билмез.
- Кюн – узун, ёмюр – къысха.
- Сабий болмагъан джерде, мёлек болмаз.
- Олтуруб кёрюнмей эди да, ёрге туруб кёрюне эди.
- Кёб джат да, бек чаб.
- Кёпюр салгъан кеси ётер, уру къазгъан кеси кетер.
- Киштикге къанат битсе, чыпчыкъ къалмаз эди.
- Нарт сёз – тилни бети.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72