- Керилген да, ургъан кибикди.
- Къошда джокъгъа – юлюш джокъ.
- Элге къуллукъ этмеген, элге ие болмаз.
- Тюкюрюк баш джармаз, налат кёз чыгъармаз!
- Урама да – ёледи, сатама да – келеди.
- Бозаны арты дауур болур.
- Биреу къой излей, биреу той излей.
- Джашынгы кесинг юретмесенг, джашау юретир.
- Тойгъан джерге джети къайт.
- Чалманны аллы къалай башланса, арты да алай барады.
- Арбаз сайлама да, хоншу сайла.
- Юре билмеген ит, къонакъ келтирир.
- Мухар, кеси тойса да, кёзю тоймаз.
- Эл бла кёргенинг эрелей.
- Къоркъакъны кёзю экили кёрюр.
- Ачыу алгъа келсе, акъыл артха къалады.
- Аман къатын алгъан, арыр, иги къатын алгъан джарыр.
- Джашлыкъ этмеген, башлыкъ этмез.
- Ашда – бёрю, ишде – ёлю.
- Джумушакъ терекни къурт ашар.
- Чакъырылмагъан къонакъ – орунсуз.
- Душманны тышы – акъ, ичи – къара.
- Юйлю уругъа ит чабмаз.
- Берекет берсин деген джерде, берекет болур.
- Кёрмегеннге кебек – танг, битмегеннге сакъал – танг.
- Аякъларынгы джууургъанынга кёре узат.
- Билими азны – ауузунда кирит.
- Аманны къуугъан, аманлыкъ табар.
- Джаралыны джастыгъында сау ёлюр.
- Ашхы атаны – джашы ашхы, ашхы ананы – къызы ашхы.
- Тюзню ётмеги тюзде къалса да, тас болмаз.
- Тик ёргени, тик энгишгеси да болады.
- Билим насыб берир, билим джолну керир.
- Къуру гыбыт бек дыгъырдар.
- Aдам боллукъ, сыфатындан белгили.
- Эл ауузу – элия.
- Джаш болсун, къыз болсун, акъылы, саны тюз болсун.
- Хаухну атма, ёнгкючню сатма.
- Чакъырылмагъан къонакъ тёрге атламаз.
- Ётюрюкню къуйругъу – бир тутум.
- Ашхы тенг джолгъа салыр, аман тенг джолдан тайдырыр.
- Сакъ юйюне сау барыр.
- Тойгъа алгъа да барма, тойда артха да къалма.
- Таукел адам тау тешер.
- Джюрекге ариу – кёзге да ариу.
- Къайтырыкъ эшигинги, къаты уруб чыкъма.
- Адамны сабийин сюйген джюреги, бычакъча, джитиди.
- Атынг аманнга чыкъгъандан эсе, джанынг тамагъынгдан чыкъсын.
- Ата – билек, ана – джюрек!
- Аман киши кеси юйюнде – къонакъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72