Эльбрусоид :: Форум :: Архив форумов

Баргъанынга кёре болур келгенинг.
Тели турса – той бузар.
Айтхан сёзюне табылгъан.
Кёбге таш атма.
Тюзню ётмеги тюзде къалса да, тас болмаз.
Къая джолда джортма, ачыкъ сёзден къоркъма.
Орундукъ тюбюнде атылсам да, орта джиликме, де да айлан.
Къарт айтханны этмеген, къартаймаз.
Мал тутхан – май джалар.
Байма, деб да, къууанма, джарлыма, деб да, джылама.
Джырчы ёлсе, джыры къалыр.
Бал чибинни ургъаны – ачы, балы – татлы.
Тёзгеннге, джабылгъан эшик ачылыр.
Ёлген эшек бёрюден къоркъмайды.
Къарын къуру болса, джюрек уру болур.
Тил – миллетни джаны.
Магъанасыз сёз – тауушсуз сыбызгъы.
Къарнынг тойгъунчу аша да, белинг талгъынчы ишле.
Битмегеннге сакъал – танг.
Тёзген – тёш ашар!
Агъач – джерни чырайы, кийим – эрни чырайы.
Акъыллы айтыр эди, акъылсыз къоймайды.
Сабийликде юретмесенг, уллу болса – тюзелмез.
Ачны эсинде – аш.
Аш берме да, къаш бер.
Урунуу – насыбны анасы.
Джарлы эскисин джамаса, къууаныр.
Сууда джау джокъ, кёб сёзде магъана джокъ.
Чомартха Тейри да борчлуду.
Туз, гырджын аша, тюзлюк бла джаша.
Къарнынг къанлынга кийирир.
Тёгюлген тюгел джыйылмайды.
Эшекни не къадар тюйсенг да, ат болмаз.
Кюн – узун, ёмюр – къысха.
Акъыл сабырлыкъ берир.
Билеги кючлю, бирни джыгъар, билими кючлю, мингни джыгъар.
Билимли ёлмез, билимсиз кёрмез.
Дуния малгъа сатылма, кесингден телиге къатылма.
Мураты болгъанны джюрек тебюую башхады.
Байны оноуу, джарлыгъа джарамаз.
Гитче джилтин уллу элни джандырыр.
Нёгер болсанг, тенг бол, тенг болмасанг, кенг бол.
Босагъагъа джууукъ орун болса, ашыгъыб тёрге озма.
Ишленмеклик адамлыкъды.
Джашда акъыл джокъ, къартда къарыу джокъ.
Джумушакъ сёз къаты таякъны сындырыр.
Эллинг бла джау болсанг да, юйюнг бла джау болма.
От этилмеген джерден тютюн чыкъмайды.
Билмегенинги, билгеннге сор.
Джаз бир кюнню джатсанг, къыш талай кюнню абынырса.

Логин:
Пароль:
	Запомнить меня на этом компьютере

Забыли свой пароль?
Регистрация