- Эте билген, этген этеди, эте билмеген, юретген этеди!
- Аджашханны ызындагъы кёреди, джангылгъанны джанындагъы биледи.
- Кёзюнде тереги болгъан, чёбю болгъаннга кюле эди.
- Туз, гырджын аша, тюзлюк бла джаша.
- Арбаз сайлама да, хоншу сайла.
- Аджаллыгъа окъсуз шкок атылыр.
- Чабакъсыз кёлге къармакъ салгъанлыкъгъа, чабакъ тутмазса.
- Къонакъ хазыр болгъанлыкъгъа, къонакъбай хазыр тюлдю.
- Илму – джашауну джолу.
- Тойгъанлыкъ къойгъа джарашады.
- Тил джюрекге джол ишлейди.
- Къыз тиширыу кеси юйюнде да къонакъды.
- Адеби болмагъан къыз – тузсуз хант.
- Джашны джигитлиги сорулур, къызны джигерлиги сорулур.
- Таула не мийик болсала да, аууш табылыр.
- Татлы сёз – балдан татлы.
- Кесинге джетмегенни, кёб сёлешме.
- Ёлмесенг да, къарт дамы болмазса?
- Агъач – джерни чырайы, кийим – эрни чырайы.
- Къолу уллу – асыу, аягъы уллу – джарсыу.
- Ёлген аслан – сау чычхан.
- Байлыкъдан саулукъ ашхыды.
- Керек ташны ауурлугъу джокъ.
- Ашхы тенг джолгъа салыр, аман тенг джолдан тайдырыр.
- Кютгени беш эчки, сызгъыргъаны уа, джерни джарады.
- Джюрекден джюрекге джол барды.
- Ишге юренсин къоллары, халкъ бла болсун джоллары.
- Джашлыкъ этмеген, башлыкъ этмез.
- Накъырда – кертини келечиси.
- Джюз элде джюз ёгюзюм болгъандан эсе, джюз джууугъум болсун.
- Намыс болмагъан джерде, насыб болмаз.
- Гугук кесини атын айтыб къычыргъанча, мен, мен деб нек тураса?
- Эки итни арасына сюек атма, эки адамны арасында сёз чыгъарма.
- Джырчы ёлсе, джыры къалыр.
- Тилчи тилден къаныкъмаз.
- Кёбден умут этиб, аздан къуру къалма.
- Термилгенинги табмазса, кюлгенинге тюберсе.
- Кёл ашады да, кеси ашады.
- Къалгъан ишге къар джауар.
- Ауругъанны сау билмез, ач къарынны токъ билмез.
- Къонакъ аман болса, къонакъбай джунчур
- Алтыннга тот къонмаз.
- Аман хансны – урлугъу кёб.
- Сёлеш деб шай берген, тохта деб, сом берген.
- Аш кетер да бет къалыр.
- Ётюрюк хапар аякъ тюбю бла джюрюйдю.
- Акъыл сабырлыкъ берир.
- Кюл тюбюндеги от кёрюнмейди.
- Бичгенде ашыкъма, тикгенде ашыкъ.
- Уллу сёзде уят джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72