- Тойчу джашха къарама, къойчу джашха къара.
- Тай асырагъан, атха минер.
- Зар адам ашынгы ашар, кесинги сатар.
- Халкъгъа джарагъан, джарлы къалмаз.
- Тыш элде солтан болгъандан эсе, кесинги элде олтан болгъан игиди!
- Окъугъан – асыу, окъумагъан – джарсыу.
- Уллу атлама – абынырса, уллу къабма – къарылырса.
- Кёл – къызбай, къол – батыр.
- Дууулдаса – бал чибин, къонса – къара чибин.
- Азыкъ аз болса, эртде орун сал.
- Ашхы болсанг, атынг чыгъар, аман болсанг, джанынг чыгъар.
- Джарлыны тону джаз битер.
- Ёлюр джаннга, ёкюл джокъ.
- Ичимден чыкъды хата, къайры барайым сата?
- Аман адамны тепсинге олтуртсанг, къызынгы тилер.
- Къыз чыгъаргъан – къызыл къымжа.
- Биреуню тёрюнден, кесинги эшик артынг игиди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Айраннга суу къош, телиге джол бош.
- Эм уллу байлыкъ – джан саулукъ.
- Ата Джуртун танымагъан, атасын да танымаз.
- Адам къаллай бир ишленмесе, аллай бир кесин уллу кёреди.
- Эрине къаргъыш этген къатын, эрнин къабар.
- Кёзюнде тереги болгъан, чёбю болгъаннга кюле эди.
- Аманны къуугъан, аманлыкъ табар.
- Тас болгъан бычакъны сабы – алтын.
- Ишлегенде эринме, ишде чолакъ кёрюнме.
- Сабийликде юретмесенг, уллу болса – тюзелмез.
- Джангыз терек къынгыр ёсер.
- Баргъанынга кёре болур келгенинг.
- Ёлген ийнек сютлю болур.
- Айран тёгюлсе, джугъусу къалыр.
- Этни бети бла шорпасы.
- Ачыу алгъа келсе, акъыл артха къалады.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Экиндини кеч къылсанг, чабыб джетер ашхам.
- Ёзденликни кёбю ётюрюк.
- Ата Джуртуму башы болмасам да, босагъасында ташы болайым.
- Къайгъыны сюйген, къайгъы табар.
- Эртде тургъан бла эртде юйленнген сокъуранмаз.
- Къызын тута билмеген, тул этер, джашын тута билмеген, къул этер.
- Иги сёз – джаннга азыкъ, аман сёз башха – къазыкъ.
- Юйюнгден чыкъдынг – кюнюнгден чыкъдынг.
- Кюн – узун, ёмюр – къысха.
- Тели турса – той бузар.
- Джолда аягъынга сакъ бол, ушакъда тилинге сакъ бол.
- Биреуге аманлыкъ этиб, кесинге игилик табмазса.
- Къарнынг ауруса, ауузунгу тый
- Сакъ юйюне сау барыр.
- Тойгъа алгъа да барма, тойда артха да къалма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72