- Къайтырыкъ эшигинги, къаты уруб чыкъма.
- Ашхы атаны – джашы ашхы, ашхы ананы – къызы ашхы.
- Билген билмегенни юретген адетди.
- Эри аманны, къатыны – аман.
- Къатын къылыкъсыз, эр тынчлыкъсыз.
- Берекет берсин деген джерде, берекет болур.
- Намысы джокъну – дуниясы джокъ.
- Игини сыйлагъан адетди.
- Иги сеники эсе да, сюйген кесимикин этеме.
- Ханнга да келеди хариблик.
- Иги адам абынса да, джангылмаз.
- Биреуге аманлыкъ этиб, кесинге игилик табмазса.
- Адамны аманы адамны бети бла ойнар.
- Кесинге джетмегенни, кёб сёлешме.
- Ач отунчуну ачыуу – бурнунда.
- Арыгъан къош чамчы болур.
- Магъанасыз сёз – тауушсуз сыбызгъы.
- Ойнай-ойнай кёз чыгъар.
- Зар адамны насыбы болмаз.
- Азыкълы ат арымаз, къатыны аман джарымаз.
- Чёбню кёлтюрсенг, тюбюнден сёз чыгъар.
- Этни да ашады, бетни да ашады.
- Чомартха Тейри да борчлуду.
- Джукъу тёшек сайламайды.
- Насыблы элин сюер, насыбсыз кесин сюер.
- Элге къуллукъ этмеген, элге ие болмаз.
- Ёлген ийнек сютлю болур.
- Джаш къарыу бла кючлю, къарт акъыл бла кючлю.
- Байны къызы баймакъ болса да, юйде къалмаз!
- Ачлыкъ отха секиртир.
- Кёзню ачылгъаны – иги, ауузну джабылгъаны – иги.
- Ашхы болсанг, атынг чыгъар, аман болсанг, джанынг чыгъар.
- Ушамагъан – джукъмаз.
- Булут кёкге джарашыу, уят бетге джарашыу.
- Аджашханны ызындагъы кёреди, джангылгъанны джанындагъы биледи.
- Эшекни не къадар тюйсенг да, ат болмаз.
- Ариу джол аджал келтирмез.
- Къазанда болса, чолпугъа чыгъар.
- Хар ишни да аллы къыйынды.
- Билими азны – ауузунда кирит.
- Аш кетер да бет къалыр.
- Ата – баланы уясы.
- Этим кетсе да, сюегим къалыр.
- Билим насыб берир, билим джолну керир.
- Кёлсюзден сёзсюз тууар.
- Кёзюнде тереги болгъан, чёбю болгъаннга кюле эди.
- Аз айтсам, кёб ангылагъыз.
- Минг тенг да азды, бир джау да кёбдю.
- Ашыкъгъанны этеги бутуна чырмалыр.
- Таш ата билмеген, башына урур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72