- Ёксюзню тилеги къабыл болур.
- Билимсиз иш бармаз.
- Кёбге таш атма.
- Эринчекни эр алмаз, эр алса да, кёл салмаз, кёл салса да, кёб бармаз!
- Къатын байлыкъны сюер, эр саулукъну сюер.
- Биреуге аманлыкъ этиб, кесинге игилик табмазса.
- Кенгеш болса, уруш болмаз.
- Иги болса, тамадама – махтау, аман болса, меннге – айыб.
- Бал – татлы, балдан да бала – татлы.
- Къыз тиширыу кеси юйюнде да къонакъды.
- Бек анасы джыламаз.
- Ана кёлю – балада, бала кёлю – талада.
- Билим къая тешер.
- Джолунга кёре – джюрюшюнг, джагъанга кёре – юлюшюнг.
- Сакъ юйюне сау барыр.
- Ауругъаннга – кийик саулукъ, джетген къызгъа – чилле джаулукъ.
- Джарлы тюеге минсе да, ит къабар.
- Ашда уялгъан – мухар, ишде уялгъан – хомух.
- Аурууну келиую тынч, кетиую – къыйын.
- Биреуню къыйынлыгъы бла кесинге джол ишлеме.
- Ашхы болсанг, атынг чыгъар, аман болсанг, джанынг чыгъар.
- Орундукъ тюбюнде атылсам да, орта джиликме, де да айлан.
- Арбаз сайлама да, хоншу сайла.
- Тил бла келеди джыр да.
- Уллу сёзде уят джокъ.
- Къарт бла баш аша, джаш бла аякъ аша.
- Чомарт къолда мал къалмаз.
- Акъыл сабырлыкъ берир.
- Гугурук къычырмаса да, тангны атары къалмаз.
- Адамны аманы адамны бети бла ойнар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Айранны сюйген, ийнек тутар.
- Дуния мал дунияда къалады.
- Атадан ёксюз – бир ёксюз, анадан ёксюз – эки ёксюз.
- Биреуню эскиси биреуге джангы болмайды.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джетген къыз джерли эшекни танымаз.
- Нарт сёз къарт болмаз.
- Кирсизни – саны таза, халалны – къаны таза.
- Къазанда болса, чолпугъа чыгъар.
- Агъач – джерни чырайы, кийим – эрни чырайы.
- Ёлмесенг да, къарт дамы болмазса?
- Арба аугъандан сора, джол кёргюзтюучю кёб болур.
- Аз айтсам, кёб ангылагъыз.
- Чабакъ башындан чирийди.
- Кесине оноу эте билмеген, халкъына да эте билмез.
- Аякъларынгы джууургъанынга кёре узат.
- Сёз – кюмюш, джыр – алтын.
- Айран ичген – къутулду, джугъусун джалагъан – тутулду.
- Башда акъыл болмаса, эки аякъгъа кюч джетер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72