- Акъыл неден да кючлюдю.
- Акъыл къартда, джашда тюйюлдю – башдады.
- Ётген ёмюр – акъгъан суу.
- Акъыл бла адеб эгизледиле.
- Билимли ёлмез, билимсиз кёрмез.
- Джаным-тиним – окъуу, билим.
- Тёрдеги кюлсе, эшикдеги ышарыр.
- Акъыл аздырмаз, билим тоздурмаз.
- Акъдан къара болмаз.
- Къонагъы джокъну – шоху джокъ.
- От кюйдюрген, сау болса да, тот кюйдюрген, сау болмаз.
- Танг атмайма десе да, кюн къоярыкъ тюйюлдю.
- Ач къалгъандан, кеч къалгъан къолай.
- Ойнай билмеген, уруб къачар.
- Эки ойлашыб, бир сёлешген.
- Намысы болмагъанны, сыйы болмаз.
- Ариу сёзде ауруу джокъ.
- Ана къолу ачытмаз.
- Тенгни тенглиги джашай барсанг билинир.
- Къолунгдан къуймакъ ашатсанг да, атаны борчундан къутулмазса.
- Ата Джуртуму башы болмасам да, босагъасында ташы болайым.
- Суу да къайтады чыкъгъан джерине.
- Халкъны юйю – туугъан джери.
- Билим – акъылны чырагъы.
- Рысхы – насыбха къор.
- Къыйынлы джети элге оноу этер.
- Къолу уллу – асыу, аягъы уллу – джарсыу.
- Керти сёзге тёре джокъ.
- Хар зат кесини орнуна иги.
- Хансыз джомакъ болмаз.
- Ёлген эшек бёрюден къоркъмайды.
- Джетген къыз джерли эшекни танымаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тил бла келеди джыр да.
- Къыз тиширыу кеси юйюнде да къонакъды.
- Биреуге кёлтюрген таягъынг, кесинги башынга урур.
- Башы джабылгъан челекге, кир тюшмез.
- Къозулугъунда тоймагъан, къойлугъунда тоймаз.
- Джахил болса анасы, не билликди баласы?
- Кёзюнде тереги болгъан, чёбю болгъаннга кюле эди.
- Киштикге къанат битсе, чыпчыкъ къалмаз эди.
- Хоншуну тауугъу къаз кёрюнюр, келини къыз кёрюнюр.
- Хунаны тюбюн къазсанг, юсюнге ауар.
- Суу кетер, таш къалыр.
- Ишленмеген джаш – джюгенсиз ат, ишленмеген къыз – тузсуз хант.
- Ургъан суудан башынгы сакъла.
- Тай асырагъан, атха минер.
- Ётюрюкню къуйругъу – бир тутум.
- Ётюрюкден тюбю джокъ, кёлтюрюрге джиби джокъ.
- Эл ауузу – элия.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72