- Нёгерсизни джолу узун.
- Ишни аллы бла къууанма да, арты бла къууан.
- Уллу къазанда бишген эт, чий къалмаз.
- Ётюрюкню къуйругъу – бир тутум.
- Ачны эсинде – аш.
- Джолда аягъынга сакъ бол, ушакъда тилинге сакъ бол.
- Чомартны къолу берекет.
- Алма терегинден кери кетмез.
- Тойчу джашха къарама, къойчу джашха къара.
- Аз сёлеш, кёб ишле.
- Башы ишлегенни, ауузу да ишлер.
- Баш болса, бёрк табылыр.
- Экиндини кеч къылсанг, чабыб джетер ашхам.
- Къонакъ хазыр болгъанлыкъгъа, къонакъбай хазыр тюлдю.
- Иги – алгъыш этер, аман – къаргъыш этер.
- Ач къарынны, токъ билмез
- Кийимни бир кюнню аясанг, минг кюннге джарар.
- Эшекге миннген – биринчи айыб, андан джыгъылгъан – экинчи айыб.
- Ашыкъгъан cуу, тенгизге джетмез.
- Кёпюр салгъан кеси ётер, уру къазгъан кеси кетер.
- Ата – билек, ана – джюрек!
- Ёзденликни джайгъан – джокълукъ.
- Сютден ауузу кюйген, суугъа юфгюре эди.
- Кёбге таш атма.
- Бёрю да ач къалмасын, эчки да ашалмасын.
- Зар адам ашынгы ашар, кесинги сатар.
- Ана кёлю – балада, бала кёлю – талада.
- Билген билмегенни юретген адетди.
- Джарлы эскисин джамаса, къууаныр.
- Акъыл аздырмаз, билим тоздурмаз.
- Къонагъы джокъну – шоху джокъ.
- Айтхан – тынч, этген – къыйын.
- Кёб джат да, бек чаб.
- Джангыз терек къынгыр ёсер.
- Хар сёзню орну барды.
- Азыкълы ат арымаз, къатыны аман джарымаз.
- Аман къатын сабий табса, бий болур…
- Садакъачыны джаны – къапчыгъында.
- Адамны сыфатына къарама, сёзюне къара.
- Хатерли къул болур.
- Элде адам къалмаса, ит тахтагъа минер.
- Эрине къаргъыш этген къатын, эрнин къабар.
- Телини эшигин, махтау джабар.
- Къонакъны къачан кетерин сорма, къачан келлигин сор.
- Уллу атлама – абынырса, уллу къабма – къарылырса.
- Билим – акъылны чырагъы.
- Байлыкъ болгъан джерде, тынчлыкъ джокъду.
- Хар адамгъа кеси миннген тау кибик.
- Итли къонакъ джарашмаз.
- Арпа, будай – ащды, алтын, кюмюш а – ташды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72