- Баргъанынга кёре болур келгенинг.
- Адам сёзюнден белгили.
- Билмейме деген – бир сёз
- Элни кючю – эмеген.
- Акъыл сабырлыкъ берир.
- Ана – юйню кюн джарыгъы.
- Хунаны тюбюн къазсанг, юсюнге ауар.
- Атлыны ашхысы, ат тизгининден билинир
- Ана къолу ачытмаз.
- Уллу къашыкъ эрин джыртар.
- Ач отунчуну ачыуу – бурнунда.
- Чомартха хар кюн да байрамды.
- Ёнгкюч къууана барыр, джылай келир.
- Айтхан – тынч, этген – къыйын.
- Эркиши – от, тиширыу – суу.
- Эшекге миннген – биринчи айыб, андан джыгъылгъан – экинчи айыб.
- Татлы тилде – сёз ариу, чемер къолда – иш ариу.
- Ханы къызы буюгъа-буюгъа киштик болду.
- Бал – татлы, балдан да бала – татлы.
- Экеулен сёлеше тура эселе, орталарына барыб кирме.
- Къарт айтханны этмеген, къартаймаз.
- Борчунг бар эсе, хурджунунга ойлаб узал.
- Эринчекни аурууу – кёб.
- Тили узунну, намысы – къысха.
- Зар адамны насыбы болмаз.
- Къолу уллу – асыу, аягъы уллу – джарсыу.
- Таш бла ургъанны, аш бла ур.
- Джарлыны эшигин махтагъан джабар.
- Ёгюзню мюйюзюнден тутадыла, адамны сёзюнден тутадыла.
- Кёз – сюйген джерде, къол – ауругъан джерде.
- Кёбге таш атма.
- Аман къатын сабий табса, бий болур…
- Арбаз къынгырды да, ийнек сауалмайма.
- Билим насыб берир, билим джолну керир.
- Азыкълы ат арымаз, къатыны аман джарымаз.
- Тыш элде солтан болгъандан эсе, кесинги элде олтан болгъан игиди!
- Эм ашхы къайын ана мамукъ бла башынгы тешер.
- Зар адам ашынгы ашар, кесинги сатар.
- Этим кетсе да, сюегим къалыр.
- Ишлегенде эринме, ишде чолакъ кёрюнме.
- Шайтан алдады, тюзлюк къаргъады.
- Юреннген ауруу къалмаз.
- Адам боллукъ, атламындан белгили болур.
- Къалгъан ишге къар джауар.
- Ач – эснер, ат – кишнер.
- Намысы болмагъанны, сыйы болмаз.
- Алгъанда – джууукъ, бергенде – джау.
- Билмезни кёзю кёрмез, этмезни къулагъы эшитмез.
- Билген билмегенни юретген адетди.
- Ёмюрлюк шохлукъну джел элтмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72