- Джылыгъа джылан илешир.
- Тойгъан джерге джети къайт.
- Байдан умут эте, джарлыдан ёгюз багъасы къорады.
- Ашхы – джыяр, аман – джояр.
- Суу кетер, таш къалыр.
- Къарнынг ауруса, ауузунгу тый
- Иги бла джюрюсенг, джетерсе муратынга, аман бла джюрюсенг, къалырса уятха.
- Эки къатын алгъанны къулагъы тынгнгаймаз.
- Чоюнну башы ачыкъ болса, итге уят керекди.
- Итли къонакъ джарашмаз.
- Борчунг бар эсе, хурджунунга ойлаб узал.
- Олтуруб кёрюнмей эди да, ёрге туруб кёрюне эди.
- Къаллай салам берсенг, аллай джууаб алырса.
- Биреуге аманлыкъны тилеме да, кесинге ашхылыкъны тиле.
- Ашхы болсанг, атынг чыгъар, аман болсанг, джанынг чыгъар.
- Суугъа – чабакъ, къаягъа – ыргъакъ.
- Соргъан айыб тюлдю, билмеген айыбды.
- Тёрени джагъы джокъ.
- Къартны бурнун сюрт да, оноугъа тут.
- Ишлегенде эринме, ишде чолакъ кёрюнме.
- Эм уллу байлыкъ – джан саулукъ.
- Ишлегенден, къарагъан уста.
- Къыз келсе, джумуш эте келеди, къатын келсе, ушакъ эте келеди.
- Киштикге къанат битсе, чыпчыкъ къалмаз эди.
- Тиширыусуз юй – отсуз от джагъа.
- Чарсда алчыны эл кёреди.
- Айныгъанлы алты кюн, тогъайгъанлы тогъуз кюн.
- Тилчи тилден къаныкъмаз.
- Къууут – джелге, берне – бошха.
- Бек ашыкъгъан меннге джетсин, дегенди аракъы.
- Кийиминг бла танылма, адамлыкъ бла таныл.
- Халкъны юйю – туугъан джери.
- Эр сокъур болсун, къатын тилсиз болсун.
- Чакъырылмай келген къонакъ сыйланмай кетер.
- Ач келгенни – тойдур, кеч келгенни – къондур.
- Аууздан келген, къолдан келсе, ким да патчах болур эди.
- Этни да ашады, бетни да ашады.
- Ёлген эшек бёрюден къоркъмайды.
- Азыгъы аз, алгъа къабар, аты аман, алгъа чабар.
- Сакъ юйюне сау барыр.
- Къулакъдан эсе, кёзге ышан.
- Ат да турмайды бир териде.
- Иги адам абынса да, джангылмаз.
- Къыз тиширыу кеси юйюнде да къонакъды.
- Насыб бютеу халкъны юлюшюдю.
- Адам къыйынлыгъын кёлтюрюр, зауукълугъун кёлтюрмез.
- Тёзгеннге, джабылгъан эшик ачылыр.
- Тамбла алтындан бюгюн багъыр ашхы.
- Орундукъ тюбюнде атылсам да, орта джиликме, де да айлан.
- Гугурук къычырмаса да, тангны атары къалмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72