Эльбрусоид :: Форум :: Архив форумов

Тойгъан антын унутур.
Кёкдеги болмаса, джердегин кёрмейди.
Джаралыны джастыгъында сау ёлюр.
Халкъгъа джарагъан, джарлы къалмаз.
Кёб ант этген, кёб ётюрюк айтыр.
Къая джолда джортма, ачыкъ сёзден къоркъма.
Къралынгы – душмандан, башынгы от бла суудан сакъла.
Кёпюр салгъан кеси ётер, уру къазгъан кеси кетер.
Окъумагъан сокъурду, сокъур ташха абыныр!
Ач келгенни – тойдур, кеч келгенни – къондур.
Ишлегенден, къарагъан уста.
Кёб джашагъан – кёб билир.
Къызын тута билмеген, тул этер, джашын тута билмеген, къул этер.
Баргъанынга кёре болур келгенинг.
Дуния малгъа сатылма, кесингден телиге къатылма.
Намыс болмагъан джерде, насыб болмаз.
Тёзгеннге, джабылгъан эшик ачылыр.
Тойгъан джерден туугъан джер игиди.
Иги джашны ышаны – аз сёлешиб, кёб тынгылар.
Билмегенинги, билгеннге сор.
Келинни – келгинчи, бёркню кийгинчи кёр.
Аууздан келген, къолдан келсе, ким да патчах болур эди.
Сыфатында болмагъаны, суратында болмаз.
Ариу сёз аурууунгу алыр.
Байны оноуу, джарлыгъа джарамаз.
Игилик игилик бла сингдирилиучю затды.
Джюрекге ариу – кёзге да ариу.
Ариу – кёзге, акъыл – джюрекге.
Ёпкелегенни ашы татлы болады.
Бермеген къол, алмайды.
Айтхан – тынч, этген – къыйын.
Окъ къызбайны джокълайды.
Ётген ёмюр – акъгъан суу.
Ауругъаннга – кийик саулукъ, джетген къызгъа – чилле джаулукъ.
Эр абынмай, эл танымаз.
Бал – татлы, балдан да бала – татлы.
Рысхы джалгъанды: келген да этер, кетген да этер.
Эркиши – от, тиширыу – суу.
Биреуню тёрюнден, кесинги эшик артынг игиди.
Кёлсюзден сёзсюз тууар.
Ашаса, ашамаса да, бёрюню ауузу – къан.
Кёл – къызбай, къол – батыр.
Аз айтсам, кёб ангылагъыз.
Ауузу бла къуш тута айланады.
Ургъан суудан башынгы сакъла.
Кирсизни – саны таза, халалны – къаны таза.
Асхат ашлыкъ сата, юйдегиси ачдан къата.
Айырылмаз джууугъунга, унутмаз сёзню айтма.
Джашда акъыл джокъ, къартда къарыу джокъ.
Аман къатын алгъан, арыр, иги къатын алгъан джарыр.

Логин:
Пароль:
	Запомнить меня на этом компьютере

Забыли свой пароль?
Регистрация