- Ашлыкъны арба юйге келтирир, чана базаргъа элтир.
- Татлы тилде – сёз ариу, чемер къолда – иш ариу.
- Кесине гебен этелмеген, биреуге черен эте эди.
- Аджашханны ызындагъы кёреди, джангылгъанны джанындагъы биледи.
- Аш хазыр болса, иш харам болур.
- Джарлы джети элни сёзюн этер.
- Адебни адебсизден юрен.
- Окъуу – билимни ачхычы, окъуу – дунияны бачхычы.
- Борчунг бар эсе, хурджунунга ойлаб узал.
- Джахил болса анасы, не билликди баласы?
- Суу да къайтады чыкъгъан джерине.
- Арпа, будай – ащды, алтын, кюмюш а – ташды.
- Ишни аллы бла къууанма да, арты бла къууан.
- Мухар, кеси тойса да, кёзю тоймаз.
- Шапа кёб болса, аш татымсыз болур.
- Ачылгъан эт джабылыр, кёрген кёз унутмаз.
- Джарлыны тону джаз битер.
- Къыйынлы джети элни къайгъысын этер.
- Ачыкъ джюрекге джол – ачыкъ.
- Ашда – бёрю, ишде – ёлю.
- Накъырданы арты керти болур.
- Тойгъан антын унутур.
- Эркишини аманы тиширыуну джылатыр.
- Сабийликде юретмесенг, уллу болса – тюзелмез.
- Тил – кесген бычакъ, сёз – атылгъан окъ.
- Ачыу алгъа келсе, акъыл артха къалады.
- Экиндини кеч къылсанг, чабыб джетер ашхам.
- Сабийни джумушха джибер да, ызындан бар.
- Билимли ёлмез, билимсиз кёрмез.
- Адебсиз адам – джюгенсиз ат.
- Бети – къучакълар, джюреги – бычакълар.
- Бермеген къол, алмайды.
- Адам къыйынлыгъын кёлтюрюр, зауукълугъун кёлтюрмез.
- Къаллай салам берсенг, аллай джууаб алырса.
- Сабий кёргенин унутмаз.
- Адамны аманы адамны бети бла ойнар.
- Къазанчы аман болса, къазаны къайнамаз.
- Уллу атлама – абынырса, уллу къабма – къарылырса.
- Нарт сёз къарт болмаз.
- Кёб джат да, бек чаб.
- Билимден уллу байлыкъ джокъду.
- Джарлы тюеге минсе да, ит къабар.
- Хата – гитчеден.
- Аууздан келген, къолдан келсе, ким да патчах болур эди.
- Аурууну келиую тынч, кетиую – къыйын.
- Эртде тургъан джылкъычыны эркек аты тай табар.
- Чарсда алчыны эл кёреди.
- Булут кёкге джарашыу, уят бетге джарашыу.
- Эл элде бирер малынг болгъандан эсе, бирер тенгинг болсун.
- Баланы адам этген анады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72