- Сёз сёзню айтдырыр.
- Борчунг бар эсе, хурджунунга ойлаб узал.
- Ата – билек, ана – джюрек!
- Ашхы тенг джолгъа салыр, аман тенг джолдан тайдырыр.
- Ана кёлю – балада, бала кёлю – талада.
- Къарыусузгъа кюлме, онгсузгъа тийме.
- Билмейме деген – бир сёз
- Кютгени беш эчки, сызгъыргъаны уа, джерни джарады.
- Тулпарлыкъ, билекден тюл – джюрекден.
- Тик ёргени, тик энгишгеси да болады.
- Адамны бетине къарама, адетине къара.
- Къуру гыбыт бек дыгъырдар.
- Кенгеш болса, уруш болмаз.
- Къайгъыны сюйген, къайгъы табар.
- Уллу сёлешме да, уллу къаб.
- Алма терегинден кери кетмез.
- Алтыда кюлмеген, алтмышда кюлмез.
- Бюгюн дуния кибик, тамбла ахыратды.
- Эки къатын алгъанны къулагъы тынгнгаймаз.
- Мал ёлсе, сюек къалыр, адам ёлсе, иши къалыр.
- Адамны артындан къара сабан сюрме.
- Хар сёзню орну барды.
- Къонакъ хазыр болгъанлыкъгъа, къонакъбай хазыр тюлдю.
- Элге къуллукъ этмеген, элге ие болмаз.
- Ёпкелегенни ашы татлы болады.
- Джашлыкъ этмеген, башлыкъ этмез.
- Тас болгъан бычакъны сабы – алтын.
- Кёзден кетген, кёлден да кетеди.
- Азыкъ аз болса, эртде орун сал.
- Телиге от эт десенг, юйюнге от салыр.
- Керек ташны ауурлугъу джокъ.
- Сагъышы джокъ – джукъучу, акъылы джокъ – къаугъачы.
- Мухарны эси – ашарыкъда.
- Джетген къыз джерли эшекни танымаз.
- Кёлсюзден сёзсюз тууар.
- Дуния мал дунияда къалады.
- Иги джашны ышаны – аз сёлешиб, кёб тынгылар.
- Ишин билген, аны сыйын чыгъарады.
- Акъыл бла адеб эгизледиле.
- Алтыннга тот къонмаз.
- Кесинг сынамагъан затны, адамгъа буюрма.
- Рысхысына кёре, джаш ёсер, къышлыгъына кёре, мал ёсер.
- Джигер – джаннга къыйынлыкъ.
- Аякъларынгы джууургъанынга кёре узат.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Иесиз малны бёрю ашар.
- Билгенни къолу къарны джандырыр.
- Арбаз сайлама да, хоншу сайла.
- Кечеси – аяз, кюню – къыш, джарлы къаргъагъа бир аш тюш!
- Тойгъа барсанг, тоюб бар, эски тонунгу къоюб бар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72