- Биреуге кёлтюрген таягъынг, кесинги башынга урур.
- Ашлыкъны арба юйге келтирир, чана базаргъа элтир.
- Огъурлуну сёзю – суу, огъурсузну сёзю – уу.
- Джылар джаш, атасыны сакъалы бла ойнар.
- Тенгинг джокъ эсе – изле, бар эсе – сакъла!
- Джашны джигитлиги сорулур, къызны джигерлиги сорулур.
- Битмегеннге сакъал – танг.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Окъугъан озар, окъумагъан тозар.
- Ауругъан – джашаудан умутчу.
- Ишлегенде эринме, ишде чолакъ кёрюнме.
- Байлыкъдан саулукъ ашхыды.
- Къартха ушагъан джаш – акъыллы, джашха ушагъан къарт – тели.
- Ишлемеген – тишлемез.
- Тёгюлген тюгел джыйылмайды.
- Рысхы джалгъанды: келген да этер, кетген да этер.
- Бетинги сатма, малынгы сат.
- Ач – эснер, ат – кишнер.
- Тынгылагъан тынгы бузар.
- Ачылгъан эт джабылыр, кёрген кёз унутмаз.
- Чомарт джарлы болмаз.
- Ишни ахырын ойламай, аллын башлама.
- Ачыкъ джюрекге джол – ачыкъ.
- Ашатыргъа иш – ашхы, ишлетирге аш – ашхы.
- Берекет берсин деген джерде, берекет болур.
- Тёзген – тёш ашар!
- Итли къонакъ джарашмаз.
- Къайгъы тюбю – тенгиз.
- Эрни эр этерик да, къара джер этерик да, тиширыуду.
- Тамчы таш тешер.
- Адам туугъан джеринде, ит тойгъан джеринде.
- Бал ашаргъа сюе эсенг, чибин ургъаннга тёз.
- Ачны эсинде – аш.
- Сакъалы текени да бар, мыйыгъы киштикни да бар.
- Джумушакъ сёз къаты таякъны сындырыр.
- Адамны аманы адамны бети бла ойнар.
- Къонакъны къачан кетерин сорма, къачан келлигин сор.
- Эшекни не къадар тюйсенг да, ат болмаз.
- Ётюрюкню башын керти кесер.
- Сабыр джетер муратха, сабырсыз къалыр уятха.
- Айранны сюйген, ийнек тутар.
- Тилчиден кери бол.
- Элиб деген, элге болушур.
- Элде адам къалмаса, ит тахтагъа минер.
- Ачыу алгъа келсе, акъыл артха къалады.
- Окъ къызбайны джокълайды.
- Сагъыш – къартлыкъгъа сюйюмчю.
- Сабийни джумушха джибер да, ызындан бар.
- Билмейме деген – бир сёз
- Къолу уллу – асыу, аягъы уллу – джарсыу.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72