- Мал кёб болса, джууукъ кёб болур.
- Окъ къызбайны джокълайды.
- Къолунгдан къуймакъ ашатсанг да, атаны борчундан къутулмазса.
- Нафысынгы айтханын этме, намысынгы айтханын эт.
- Арбаз къынгырды да, ийнек сауалмайма.
- Аурууну келиую тынч, кетиую – къыйын.
- Аманны къуугъан, аманлыкъ табар.
- Къонагъы джокъну – шоху джокъ.
- Эл тойса, тоймагъан, эл къойса, къоймагъан.
- Къайгъы тюбю – тенгиз.
- Тойгъанлыкъ къойгъа джарашады.
- Аджалсыз ёлюм болмаз.
- Насыб бютеу халкъны юлюшюдю.
- Шайтан алдады, тюзлюк къаргъады.
- Къартны бурнун сюрт да, оноугъа тут.
- Къонагъынгы артмагъын алма да, алгъышын ал.
- Акъыллы – эл иеси, тели – эл баласы.
- Таякъ этден ётер, тил сюекден ётер.
- Джигер – джаннга къыйынлыкъ.
- Билмейме деген – бир сёз
- Арба аугъандан сора, джол кёргюзтюучю кёб болур.
- Ёксюзню тилеги къабыл болур.
- Джаралыны джастыгъында сау ёлюр.
- Билеги кючлю, бирни джыгъар, билими кючлю, мингни джыгъар.
- Ёлмесенг да, къарт дамы болмазса?
- Хансыз джомакъ болмаз.
- Тойгъандан сора, ашны сёкме.
- Билген билмегенни юретген адетди.
- Къарт бла баш аша, джаш бла аякъ аша.
- Аз сёлешген, къайгъысыз турур.
- Тойгъа алгъа да барма, тойда артха да къалма.
- Атлыны кёрсе, джаяуну буту талыр.
- Кёрмегеннге кебек – танг, битмегеннге сакъал – танг.
- Эринчекни эр алмаз, эр алса да, кёл салмаз, кёл салса да, кёб бармаз!
- Эски джаугъа ышанма.
- Борчунг бар эсе, хурджунунга ойлаб узал.
- Биреуню тёрюнден, кесинги эшик артынг игиди.
- Аллахха ийнаннган кишини, Аллах онгдурур ишин.
- Акъыл неден да кючлюдю.
- Илму – джашауну джолу.
- Элде адам къалмаса, ит тахтагъа минер.
- Рысхысына кёре, джаш ёсер, къышлыгъына кёре, мал ёсер.
- Гитче джилтин уллу элни джандырыр.
- Байлыкъ адамны сокъур этер.
- Ач къарынны, токъ билмез
- Къарнынг ауруса, ауузунгу тый
- Джылыгъа джылан илешир.
- Бети къызарыучу адамны, джюреги харам болмаз.
- Кёбден умут этиб, аздан къуру къалма.
- Къартха ушагъан джаш – акъыллы, джашха ушагъан къарт – тели.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72