- Айраннга суу къош, телиге джол бош.
- Арпа, будай – ащды, алтын, кюмюш а – ташды.
- Бермеген къол, алмайды.
- Тюзлюк шохлукъну бегитир.
- Аман киши кеси юйюнде – къонакъ.
- Къызын тута билмеген, тул этер, джашын тута билмеген, къул этер.
- Эркиши – от, тиширыу – суу.
- Шапа кёб болса, аш татымсыз болур.
- Билген билмегенни юретген адетди.
- Ачыкъ джюрекге джол – ачыкъ.
- Уясында не кёрсе, учханында аны этер.
- Хоншуну тауугъу къаз кёрюнюр, келини къыз кёрюнюр.
- Ойнай билмеген, уруб къачар.
- Аш берме да, къаш бер.
- Кенгеш болса, уруш болмаз.
- Кёрмегеннге кебек – танг, битмегеннге сакъал – танг.
- Келинин тута билмеген, къул этер, къызын тута билмеген, тул этер.
- Къарнынг тойгъунчу аша да, белинг талгъынчы ишле.
- Ана кёлю – балада, бала кёлю – талада.
- Иги – алгъыш этер, аман – къаргъыш этер.
- Джаным-тиним – окъуу, билим.
- Терслик кетер, тюзлюк джетер.
- Эр сокъур болсун, къатын тилсиз болсун.
- Баргъанынга кёре болур келгенинг.
- Джукъу тёшек сайламайды.
- Ат басханны джер билед.
- Ургъан суудан башынгы сакъла.
- Къарт бла баш аша, джаш бла аякъ аша.
- Акъыллы айтыр эди, акъылсыз къоймайды.
- Эрине къаргъыш этген къатын, эрнин къабар.
- Къонакъ аз олтурур, кёб сынар.
- Эки итни арасына сюек атма, эки адамны арасында сёз чыгъарма.
- Уруну арты – къуру.
- Акъыллы – эл иеси, тели – эл баласы.
- Булут кёкге джарашыу, уят бетге джарашыу.
- Бозанг болмагъан джерге, къалагъынгы сукъма.
- Ханы къызы буюгъа-буюгъа киштик болду.
- Къарнынг бла ёч алма.
- Кесинге джетмегенни, кёб сёлешме.
- Сангырау къулакъ эл бузар.
- Тёзген – тёш ашар!
- Босагъа таш юйге кирмей эди, тыбыр таш эшикге чыкъмай эди.
- Таукелге нюр джауар.
- Айыбны суу бла джууалмазса.
- Юй кюйдю да, кюйюз чыкъды, ортасындан тюйюш чыкъды.
- Ашыкъгъанны этеги бутуна чырмалыр.
- Байны къызы баймакъ болса да, юйде къалмаз!
- Адам туугъан джеринде, ит тойгъан джеринде.
- Аджалсыз ёлюм болмаз.
- Уллу атлама – абынырса, уллу къабма – къарылырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72