- Сибиртки да сыйлы болду, кюрек да кюнлю болду.
- Джырына кёре эжиую.
- Иги адам абынса да, джангылмаз.
- Адебсиз адам – джюгенсиз ат.
- Мураты болгъанны джюрек тебюую башхады.
- Чомартха хар кюн да байрамды.
- Тюзню ётмеги тюзде къалса да, тас болмаз.
- Чыкълы кюнде чыкъмагъан, чыкъса къуру кирмеген.
- Игиге айтсанг – билир, аманнга айтсанг – кюлюр.
- Экиндини кеч къылсанг, чабыб джетер ашхам.
- Тынгылагъан тынгы бузар.
- Сабий болмагъан джерде, мёлек болмаз.
- Байлыкъ келсе, акъыл кетер.
- Джаханимни кёрмей, джандетге кёл салмазса.
- Къая джолда джортма, ачыкъ сёзден къоркъма.
- Хантына кёре тузу, юйюне кёре къызы.
- Аллахха ийнаннган кишини, Аллах онгдурур ишин.
- Ётюрюкню башын керти кесер.
- Биреуню тёрюнден, кесинги эшик артынг игиди.
- Ашаса, ашамаса да, бёрюню ауузу – къан.
- Чакъырылмагъан джерге барма, чакъырылгъан джерден къалма.
- Ёгюзню мюйюзлери ауурлукъ этмейдиле.
- Танг атмайма десе да, кюн къоярыкъ тюйюлдю.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Мал ёлсе, сюек къалыр, адам ёлсе, иши къалыр.
- Айраннга суу къош, телиге джол бош.
- Акъыллы башны – тили къысха.
- Аманны къуугъан, аманлыкъ табар.
- Ата – баланы уясы.
- Ач отунчуну ачыуу – бурнунда.
- Дуния малгъа сатылма, кесингден телиге къатылма.
- Босагъа таш юйге кирмей эди, тыбыр таш эшикге чыкъмай эди.
- Къызгъанчдан ычхыныр, мухардан ычхынмаз.
- Бети бедерден, намыс сакълама.
- Хатерли къул болур.
- Джырчы джырчыгъа – къарнаш.
- Къууут – джелге, берне – бошха.
- Шекер бла туз – бир болмаз, ушамагъан – юй болмаз.
- Сютню башын джалагъан къутулур, тюбюн ичген тутулур.
- Эллинг бла джау болсанг да, юйюнг бла джау болма.
- Ашарыкъда сайлагъаннга – чий гырджын.
- Бал – татлы, балдан да бала – татлы.
- Джолунга кёре – джюрюшюнг, джагъанга кёре – юлюшюнг.
- Бозаны арты дауур болур.
- Тыш элде солтан болгъандан эсе, кесинги элде олтан болгъан игиди!
- Кёб джашагъан – кёб билир.
- Экеу тутушса, биреу джыгъылыр.
- Игилик игилик бла сингдирилиучю затды.
- Ата джурт – алтын бешик.
- Адам къаллай бир ишленмесе, аллай бир кесин уллу кёреди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72