- Эркишиге тары кебек танг кёрюнюр.
- Иги адам абынса да, джангылмаз.
- Этим кетсе да, сюегим къалыр.
- Нёгер болсанг, тенг бол, тенг болмасанг, кенг бол.
- Акъыллы эркиши атын махтар, акъылсыз эркиши къатынын махтар.
- Дуния аламаты сен эсенг да, игиме деб айтма.
- Ёлюр джаннга, ёкюл джокъ.
- Къарнынг бла ёч алма.
- Тура эдим джата, къайдан чыкъды хата?
- Къыз чыгъаргъан – къызыл къымжа.
- Таш ата билмеген, башына урур.
- Чабар ат – джетген къыз.
- Ачыу алгъа келсе, акъыл артха къалады.
- Экиндини кеч къылсанг, чабыб джетер ашхам.
- Тюкюрюк баш джармаз, налат кёз чыгъармаз!
- Тик ёргени, тик энгишгеси да болады.
- Джарлы тюеге минсе да, ит къабар.
- Рысхы – сют юсюнде кёмюк кибикди.
- Айтылгъан буйрукъ, сёгюлмез
- Керилген да, ургъан кибикди.
- Насыблы элин сюер, насыбсыз кесин сюер.
- Тюз сёз баргъан сууну тыяр.
- Тёрдеги кюлсе, эшикдеги ышарыр.
- Тилсиз миллет джокъ болур.
- Ишленмеген джаш – джюгенсиз ат, ишленмеген къыз – тузсуз хант.
- Элде адам къалмаса, ит тахтагъа минер.
- Аллахха ийнаннган кишини, Аллах онгдурур ишин.
- Дууулдаса – бал чибин, къонса – къара чибин.
- Аджаллыгъа окъсуз шкок атылыр.
- Баланы адам этген анады.
- Эринчекни аурууу – кёб.
- Къызны минг тилер, бир алыр.
- Айранны сюйген, ийнек тутар.
- Азыкъ аз болса, эртде орун сал.
- Урама да – ёледи, сатама да – келеди.
- Къатын къылыкъсыз, эр тынчлыкъсыз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тенгинг джокъ эсе – изле, бар эсе – сакъла!
- Эки итни арасына сюек атма, эки адамны арасында сёз чыгъарма.
- Чомарт къонакъ юй иесин сыйлар.
- Эте билген, этген этеди, эте билмеген, юретген этеди!
- Сескекли кесин билдирир.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Зар адам ашынгы ашар, кесинги сатар.
- Билеги кючлю, бирни джыгъар, билими кючлю, мингни джыгъар.
- Чакъырылмагъан къонакъ тёрге атламаз.
- Къазанда болса, чолпугъа чыгъар.
- Рысхы – насыбха къор.
- Сагъышы джокъ – джукъучу, акъылы джокъ – къаугъачы.
- Тиширыусуз юй – отсуз от джагъа.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72