- Къозулугъунда тоймагъан, къойлугъунда тоймаз.
- Тин – байлыгъынг, терен саулугъунг.
- Айтхан – тынч, этген – къыйын.
- Къазанда болса, чолпугъа чыгъар.
- Ачылгъан эт джабылыр, кёрген кёз унутмаз.
- Ётюрюкню къуйругъу – бир тутум.
- Таула не мийик болсала да, аууш табылыр.
- Дууулдаса – бал чибин, къонса – къара чибин.
- Кёб ант этген, кёб ётюрюк айтыр.
- Адеб этмеген, адеб кёрмез.
- Чыбыкълыкъда бюгюлмеген, къазыкълыкъда бюгюлмей эди.
- Айран ичген – къутулду, джугъусун джалагъан – тутулду.
- Эри аманны, къатыны – аман.
- Тил – кесген бычакъ, сёз – атылгъан окъ.
- Шекер бла туз – бир болмаз, ушамагъан – юй болмаз.
- Бек ашыкъгъан меннге джетсин, дегенди аракъы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Атлыны ашхысы, ат тизгининден билинир
- Акъыллы – эл иеси, тели – эл баласы.
- Гугук кесини атын айтыб къычыргъанча, мен, мен деб нек тураса?
- Аджашханны ызындагъы кёреди, джангылгъанны джанындагъы биледи.
- Кёлю джокъну – джолу джокъ.
- Дуния малгъа сатылма, кесингден телиге къатылма.
- Кёз – сюйген джерде, къол – ауругъан джерде.
- Таукел къуру къалмаз.
- Къатын байлыкъны сюер, эр саулукъну сюер.
- Керти сёзге тёре джокъ.
- Бичгенде ашыкъма, тикгенде ашыкъ.
- Мадар болса, къадар болур.
- Намыс болмагъан джерде, насыб болмаз.
- Накъырданы арты керти болур.
- Ач бёрюге мекям джокъ.
- Ариу сёз аурууунгу алыр.
- Ургъан суудан башынгы сакъла.
- Кёзню ачылгъаны – иги, ауузну джабылгъаны – иги.
- Келгинчи, къонакъ уялыр, келгенден сора, къонакъбай уялыр.
- Тюкюрюк баш джармаз, налат кёз чыгъармаз!
- Ашхы сёз таш тешер.
- Накъырда – кертини келечиси.
- Сёлеш деб шай берген, тохта деб, сом берген.
- Тыш элде солтан болгъандан эсе, кесинги элде олтан болгъан игиди!
- Ана – юйню кюн джарыгъы.
- Юйюнг бла джау болгъандан эсе, элинг бла джау бол.
- Тойгъан джерге джети къайт.
- Тулпарлыкъ, билекден тюл – джюрекден.
- Аш кетер да бет къалыр.
- Кёб джат да, бек чаб.
- Акъдан къара болмаз.
- Джюз элде джюз ёгюзюм болгъандан эсе, джюз джууугъум болсун.
- Айранын берсенг, челегин да къызгъанма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72