- Сютден ауузу кюйген, суугъа юфгюре эди.
- Итли къонакъ джарашмаз.
- Таугъа чыгъаллыкъ эсенг, тюзде къалма.
- Сагъышы джокъ – джукъучу, акъылы джокъ – къаугъачы.
- Кимни – тили, тиши онглу, кимни – къолу, иши онглу.
- Эски джаугъа ышанма.
- Тойгъандан сора, ашны сёкме.
- Ачылгъан эт джабылыр, кёрген кёз унутмаз.
- Бойнуму джети джерден кессенг да, мен ол ишни этеллик тюлме.
- Тойгъа алгъа да барма, тойда артха да къалма.
- Мухарны эси – ашарыкъда.
- Терслик кетер, тюзлюк джетер.
- Ёпкелегенни ашы татлы болады.
- Тай асырагъан, атха минер.
- Байлыкъ тауусулур, билим тауусулмаз.
- Тынгылагъан тынгы бузар.
- Эшекге миннген – биринчи айыб, андан джыгъылгъан – экинчи айыб.
- Акъылсызны джууукъгъа алма, акъыллыны кенгнге салма.
- Билмегенинги, билгеннге сор.
- Аджаллыгъа окъсуз шкок атылыр.
- Шекер бла туз – бир болмаз, ушамагъан – юй болмаз.
- Эм уллу байлыкъ – джан саулукъ.
- Аман эсирсе, юйюн ояр.
- Джаханимни кёрмей, джандетге кёл салмазса.
- Зар адам ашынгы ашар, кесинги сатар.
- Аш хазыр болса, иш харам болур.
- Байны оноуу, джарлыгъа джарамаз.
- Тенгинг джокъ эсе – изле, бар эсе – сакъла!
- Айтхан сёзюне табылгъан.
- Чакъырылгъанны аты, чакъырылмагъанны багъасы болур.
- Гугук кесини атын айтыб къычыргъанча, мен, мен деб нек тураса?
- Ач отунчуну ачыуу – бурнунда.
- Гугурук къычырмаса да, тангны атары къалмаз.
- Дуния малгъа сатылма, кесингден телиге къатылма.
- Чабар ат – джетген къыз.
- Кёл – къызбай, къол – батыр.
- Иги адамны бир сёзю эки болмаз.
- Халкъны юйю – туугъан джери.
- Ана къойну – балагъа джандет.
- Аджашханны ызындагъы кёреди, джангылгъанны джанындагъы биледи.
- Ёлмесенг да, къарт дамы болмазса?
- Ач келгенни – тойдур, кеч келгенни – къондур.
- Гитче джилтин уллу элни джандырыр.
- Юреннген ауруу къалмаз.
- Кечеси – аяз, кюню – къыш, джарлы къаргъагъа бир аш тюш!
- Таукел адам тау тешер.
- Айраннга суу къош, телиге джол бош.
- Суугъа – таянма, джаугъа – ийнанма.
- Окъуусуз билим – джокъ, билимсиз кюнюнг – джокъ.
- Нарт сёз – тилни бети.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72